شہباز شریف کی رہاٸی کے روبکار جاری

لاہور: احتساب عدالت نے آمدن سے زاٸد اثاثے منی لانڈرنگ ریفرنس میں اپوزیشن لیڈر شہباز شریف کے مچلکے جمع ہونے کے بعد رہاٸی کے روبکار جاری کر دیئے ہیں۔

تفصیلات کے مطابق لاہور کی احتساب عدالت کے جج شیخ سجاد کی عدالت میں اپوزیشن لیڈر شہباز شریف کے ضمانتی مچلکے جمع کرواٸے گٸے، ن لیگی رہنما سیف الملوک کھوکھر اور چوہدری محمد نواز نے شہباز شریف کے مچلکے جمع کرواٸے ۔

عدالت میں جمع کرواٸے گٸے مچلکوں کی تصدیق کا عمل مکمل کیا گیا ۔ مچلکوں کی تصدیق کے بعد عدالت روبکار جاری کی جو جیل بھجوا دی گٸی ہے، جیل حکام کو روبکار ملنے کے بعد شہباز شریف کی رہاٸی عمل میں آٸے گی ۔

یاد رہے ہاٸی کورٹ کے تین رکنی بنچ نے شہباز شریف کی آمدن سے زاٸد اثاثے اور منی لانڈرنگ ریفرنس میں ضمانت منظور کر کے پچاس پچاس لاکھ کے دو مچلکے جمع کروانے کا حکم دیا تھا ۔

واضح رہے شہباز شریف کو ستمبر 2020 کو لاہور ہاٸیص کورٹ سے عبوری ضمانت خارج ہونے پر گرفتار کیا گیا تھا۔

The post شہباز شریف کی رہاٸی کے روبکار جاری appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3tKc3Ev