ترنگا : پہلے ٹیسٹ میں قومی ٹیم کی نیوزی لینڈ کے خلاف محتاط انداز بیٹنگ جاری، 373 رنز ہدف کے تعاقب میں پاکستان نے 4 وکٹوں کے نقصان پر 237 رنز بنالیے، فواد عالم نے شاندار بیٹنگ کا مظاہرہ کرتے ہوئے سنچری مکمل کرلی۔
تفصیلات کے مطابق ماؤنٹ مونگانوئی میں پاکستان اور نیوزی لینڈ کےدرمیان کھیلے جارہے پہلے ٹیسٹ میچ کے پانچویں روز پاکستان نے 373 رنز کے جواب میں 239 رنز بنالیے جبکہ اس کے چار کھلاڑی پویلین لوٹ چکے ہیں، قومی ٹیم کی دوسری اننگز میں بھی اوپنرز نے انتہائی ناقص کارکردگی کا مظاہرہ کیا، اوپنر شان مسعود اور عابد علی صفر پر پویلین لوٹے جبکہ حارث سہیل صرف 9 رنز پر ہمت ہار گئے۔
چوتھے دن کھیل کے اختتام پر اظہر علی 38 رنز بناکر کیچ آؤٹ ہوگئے جبکہ کپتان محمد رضوان 60 اور فواد عالم 101 رنز کے ساتھ کریز پر موجود ہیں، پاکستان کو پہلا ٹیسٹ جیتنے کے لئے مزید 136 رنز کی ضرورت ہے جبکہ اس کی سات 6 باقی ہیں۔
نیوزی لینڈ کی جانب سے دوسری اننگز میں ٹم ساؤتھی نے اور ٹرینٹ بولٹ نے دو، دو کھلاڑی کو آؤٹ کیا۔
اس سے قبل پاکستان اور نیوزی لینڈ کےدرمیان کھیلے جارہے پہلے ٹیسٹ میچ کے چوتھے روز نیوزی لینڈ نے اپنی دوسری اننگز 180 رنز 5 کھلاڑی آؤٹ پر ڈکلیئر کردی تھی، میچ کے چوتھے روز نیوزی لینڈ نے اپنی دوسری اننگز کا آغاز کیا اور اوپنرز کے درمیان 111 رنز کی شراکت قائم ہوئی تاہم اس کے بعد وکٹیں گرنے کا سلسلہ شروع ہوا اور نیوزی لینڈ نے 5 وکٹوں کے نقصان پر 180 رنز بنا کر اننگز ڈکلیئر کردی، پاکستان کی جانب سے نسیم شاہ نے 3 وکٹیں حاصل کیں۔
میزبان ٹیم کی جانب سے سب سے زیادہ 64 اسکور ٹام بلینڈل نے بنائے جبکہ ٹام لتھام 53 ، کین ولیمسن 21 ، ہنری نکولس 11 اور واٹلنگ 5اسکوربنانے میں کامیاب ہوئے۔
گذشتہ روز نیوزی لینڈ نے پہلی اننگز میں 431 رنز اسکور کیے تھے جس کی جواب میں پاکستانی ٹیم نے 239 رنز بناکر آؤٹ ہوئی تھی، پہلی اننگز میں بھی پاکستانی کی اوپننگ بیٹنگ لائن بری طرح ناکام رہی تاہم مڈل آرڈر نے مجموعی اسکور کو بہتر کیا اور پاکستان کا نیوزی لینڈ کے خلاف فالو آن بچایا تھا۔
پاکستان کی جانب سے فہیم اشرف نے کیرئیر کی بیسٹ 91 رنز کی اننگز کھیلی اور کیچ آؤٹ ہوگئے جبکہ کپتان محمد رضوان بھی 71 رنز بناکر نمایاں رہے۔
The post پاکستان نے 4 وکٹوں کے نقصان پر 237 رنز بنالیے، ہدف کا تعاقف جاری appeared first on ARYNews.tv | Urdu - Har Lamha Bakhabar.
from کھیل – ARYNews.tv | Urdu – Har Lamha Bakhabar https://ift.tt/3rDctf5
کوئی تبصرے نہیں:
ایک تبصرہ شائع کریں
Hi !! Dear