Remove major hurdle in the way of New Pakistan Housing Project

اسلام آباد : نیا پاکستان ہاوسنگ منصوبے کےراستے میں حائل بڑی رکاوٹ دور ہوگئی ، سپریم کورٹ نے فنانشل انسٹی ٹیوشن ریکوری ایکٹ کیخلاف دائر درخواست خارج کردی۔

تفصیلات کے مطابق سپریم کورٹ نے نیا پاکستان ہاوسنگ منصوبے کےراستے میں حائل بڑی رکاوٹ دور کرتے ہوئے فنانشل انسٹی ٹیوشن ریکوری ایکٹ کیخلاف دائر درخواست خارج کردی۔

عدالت نے ریکوری ایکٹ کی شق 15 قانون کے مطابق قرار دے دی ، چیف جسٹس کی جانب سے درخواست گزار کی سرزنش کی گئی کہ آپ لوگ بینکوں کا پیسہ واپس کرتے نہیں اور قانون چیلنج کر دیتے ہیں۔

سیکشن 15 کے تحت بینکوں کو قرض عدم واپسی پر جائیداد نیلام کرنے کا اختیار ہے ، قانون چیلنج ہونے کی وجہ سے بینک نیا پاکستان ہاوسنگ منصوبہ فنانس نہیں کر رہے تھے، درخواست گزار نے لاہور ہائی کورٹ سے درخواست خارج ہونے پر اپیل کی تھی۔

یاد رہے اگست میں وزیراعظم عمران خان نے بینکوں کو گھروں کی تعمیرکیلئے درخواستوں کو آسان اور سہل بنانےکی ہدایت کرتے ہوئے کہا تھا کہ ضروری ہے کم اور درمیانے آمدن والے افراد سہولت سے مستفید ہوں۔

عمران خان کا کہنا تھا کہ حکومت کی جانب سےبینکوں کے تمام تحفظات کو دور کر دیا گیا ہے ، قرضوں پر حکومتی سبسڈی کی فراہمی کیلئےاسٹیٹ بینک کو با اختیار بنا دیا گیا، فورکلوژر قوانین کے معاملے کی مؤثرپیروی کی جا رہی ہے

اس سے قبل رواں سال جولائی میں حکومت نے نیاپاکستان ہاؤسنگ اسکیم کے لیے 30 ارب سبسڈی دی تھی۔

The post نیا پاکستان ہاوسنگ منصوبے کے راستے میں حائل بڑی رکاوٹ دور appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/34kcTNS