مقبوضہ کشمیر میں کورونا کی بگڑتی صورتحال، وینٹی لیٹر بھارت منتقل، ‘دنیا کشمیریوں کو انسان کیوں نہیں سمجھتی’

اسلام آباد : حریت رہنمایاسین ملک کی اہلیہ مشعال ملک کا کہنا ہے کہ بھارتی حکومت نے مقبوضہ کشمیر میں کورونا کی بگڑتی صورتحال کے باوجود وینٹی لیٹر بھارت منتقل کردیے ، دنیا کشمیریوں کو انسان کیوں نہیں سمجھتی۔

تفصیلات کے مطابق حریت رہنمایاسین ملک کی اہلیہ مشال ملک نے اپنے ویڈیو پیغام میں کہا ہے کہ مقبوضہ کشمیر میں دن بدن کورونا صورتحال بگڑتی جارہی ہے، وادی میں دو لاکھ سے زائد کورونا کیسز رپورٹ ہوئے اور 2500سے زائدکشمیری کورونا کے باعث جاں بحق ہوچکےہیں۔

Despite rising #Covid19 cases in IOK, Indian govt is transferring #covidpositive patients from one jail to another which is pure representation of inhumanity & illiteracy. We demand that WHO should take notice of this intentional spread of virus in Indian Occupied #Kashmir. pic.twitter.com/ugN4iJqyML

— Mushaal Hussein Mullick (@MushaalMullick) May 4, 2021

مشعال ملک کا کہنا تھا کہ کوروناکے4ہزار سے زائد کیس آج رپورٹ ہوئے جبکہ مقبوضہ کشمیر میں کل 250 وینٹی لیٹر موجود تھے، بھارتی حکومت نے وہ بھی مقبوضہ کشمیر سے بھارت منتقل کر دیے۔

حریت رہنما کی اہلیہ نے کہا کہ مقبوضہ کشمیر میں قید کشمیریوں کوتہاڑ جیل منتقل کیا جارہا ہے، تہاڑ جیل میں تیزی سے کورونا پھیل رہا ہے، جیل میں ویکسین سمیت ٹیسٹ کی سہولت نہیں دی جارہی۔

مشعال ملک نے عالمی برادری سے مقبوضہ کشمیر کی بگڑتی صورتحال پر نوٹس لینے کا مطالبہ کرتے ہوئے کہا دنیا کشمیریوں کو انسان کیوں نہیں سمجھتی۔

The post مقبوضہ کشمیر میں کورونا کی بگڑتی صورتحال، وینٹی لیٹر بھارت منتقل، ‘دنیا کشمیریوں کو انسان کیوں نہیں سمجھتی’ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/33hvs40