اب پولیس اسٹیشن جانے سے قبل کیا کرنا ہوگا؟ سعودی حکام کا بڑا فیصلہ

ریاض : سعودی حکام نے پولیس اسٹیشن کا دورہ کرنے سے قبل تاریخ اور وقت حاصل کرنا لازمی قرار کردیا۔

غیر ملکی خبر رساں ادارے کی رپورٹ کے مطابق خلیجی ریاست سعودی عرب نے نظام کو مزید منظم کرنے کےلیے شہریوں اور ریاست میں مقیم غیر ملکیوں کو پابند کیا ہے کہ وہ پولیس اسٹیشن کا دورہ کرنے سے قبل وقت اور تاریخ بک کریں۔

محکمہ امن عامہ کا کہنا ہے کہ پولیس اسٹیشن جانے کی وقت اور تاریخ ابشر ایپ سے بک کی جاسکتی ہے، جہاں ’مواعید الشرطۃ‘ کے نام سے سروس متعارف کرائی گئی ہے۔

محکمہ امن عامہ نے کہا ہے کہ جو افراد اس ایپ کے ذریعے پولیس سے رابطہ کریں گے صرف انہیں افراد کو سروس فراہم کی جائے گی۔

سعودی حکام کے مطابق اس سروس کے متعارف کرانے کا مقصد شہریوں و غیرملکیوں کو کرونا وبا سے بچانا ہے۔

The post اب پولیس اسٹیشن جانے سے قبل کیا کرنا ہوگا؟ سعودی حکام کا بڑا فیصلہ appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/30FtY2g