ورکنگ باؤنڈری پر بھارتی جارحیت ذہنی معذور نوجوان جاں بحق

سیالکوٹ: ورکنگ باؤنڈری پر بھارتی فوج کی بلا اشتعال فائرنگ کے نتیجے میں ذہنی معذور شخص جاں بحق ہوگیا ہے۔

تفصیلات کے مطابق لائن آف کنٹرول پر آئے دن بلا اشتعال فائرنگ کرنے پر پاکستان کی چوکس مسلح افواج کی جانب سے بھارت کو کرارا جواب دیا جاتا رہا ہے، کنٹرول لائن پر افواج پاکستان کے ہاتھوں ہزیمت اٹھانے کے بعد گذشتہ شب بھارت نے ورکنگ باؤنڈری پر ذہنی معذور شخص کو غلطی سے سرحد پار کرنے پر فائرنگ کرتے ہوئے جاں بحق کردیا۔

رپورٹ کے مطابق بھارتی فوج کی فائرنگ سے جاں بحق شہری ظفر وال کے علاقے فتح پوربرڑی کا رہائشی اور ذہنی معذور تھا، بھارتی فورسز نے بغیر وارننگ دیئےذہنی معذور شخص پر فائرنگ کی، جس سے وہ موقع پر ہی جاں بحق ہوگیا۔

یہ بھی پڑھیں:  ورکنگ باؤنڈری پر بھارتی فوج کی فائرنگ، 2 خواتین شہید

واقعے کے بعد بھارتی میڈیا کی جانب سے ذہنی معذور شخص کو دہشتگردثابت کرنے کی کوشش کی جاتی رہی، بعد ازاں پاکستان رینجرز نے بھارتی سیکیورٹی فورسز سے جاں بحق نوجوان کی نعش وصول کی، تھانہ پولیس لیسرکلاں کے مطابق میت ورثاکےحوالےکردی گئی ہے۔

The post ورکنگ باؤنڈری پر بھارتی جارحیت ذہنی معذور نوجوان جاں بحق appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3tIrdub