پی ڈی ایم کے تحریری مطالبات پر مشتمل یادداشت آج الیکشن کمیشن کو پیش کی جائے گی

اسلام آباد: پی ڈی ایم کی  پی ٹی آئی فارن فنڈنگ کیس میں تحریری مطالبات پرمشتمل یادداشت آج الیکشن کمیشن کوپیش کی جائےگی ، جس میں مطالبہ کیا گیا ہے کہ  فارن فنڈنگ کیس کے ریکارڈ کو پبلک کیا جائے۔

تفصیلات کے مطابق پی ڈی ایم کے تحریری مطالبات پرمشتمل یادداشت منظر عام پرآگئی ، یادداشت آج الیکشن کمیشن کوپیش کی جائےگی، یادداشت پرپی ڈی ایم قائدین کے دستخط موجود ہیں۔

یادداشت کے متن میں کہا گیا ہے کہ پی ٹی آئی فارن فنڈنگ کیس کافیصلہ جلدکیاجائے، الیکشن کمیشن غیرجانبداررہے، فارن فنڈنگ کیس کے ریکارڈکو پبلک کیا جائے۔

متن میں کہا گیا کہ ریکارڈ کی کاپی اپوزیشن اورفریقین کو بھی فراہم کی جائیں اور الیکشن کمیشن آئین اور قانون کی پاسداری کا ثبوت دے ، اکبر ایس بابرکو نقصان ہوا تو اس کے ذمہ دارحکومت اور عمران خان ہوں گے۔

یادداشت میں مطالبہ کیا ہے کہ پی ٹی آئی کے23خفیہ اکاؤنٹس کےتفصیل بھی فراہم کی جائے۔

یاد رہے گذشتہ روز پی ڈی ایم نے الیکشن کمیشن کے سامنے احتجاج  کیا تھا لیکن الیکشن کمیشن میں یادداشت جمع نہیں کرائی، تحریری دستاویز پر اسٹیج پر موجود قائدین سے دستخط لیے جاتے رہے، ذرائع کا کہنا تھا جلسہ ختم ہوتے ہی تمام قائدین اور شرکا یادداشت دیے بغیر واپس چلے گئے، الیکشن کمیشن نے بھی پی ڈی ایم کی کوئی یادداشت موصول نہ ہونے کی تصدیق کی تھی۔

The post پی ڈی ایم کے تحریری مطالبات پر مشتمل یادداشت آج الیکشن کمیشن کو پیش کی جائے گی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3sJpILF