وزیراعظم عمران‌ خان آج حافظ آباد میں یونیورسٹی اور اسپتال کا افتتاح کریں گے

اسلام آباد : وزیراعظم عمران خان آج حافظ آباد میں یونیورسٹی اور اسپتال سمیت دیگر ترقیاتی منصوبوں کا افتتاح کریں گے اور میونسپل اسٹیڈیم میں جلسے سے بھی خطاب کریں گے۔

تفصیلات کے مطابق وزیراعظم عمران خان آج حافظ آباد کا دورہ کریں گے، جہاں وہ یونیورسٹی اور اسپتال سمیت دیگر ترقیاتی منصوبوں کا افتتاح کریں گے، ضلع حافظ آباد میں آج عام تعطیل کا اعلان کیا گیا ہے۔

حافظ آباد کے دورے کے موقع پر وزیراعلیٰ پنجاب سردار عثمان بزدار بھی وزیراعظم کے ہمراہ ہوں گے۔

دورے کے دوران وزیراعظم میونسپل اسٹیڈیم میں جلسہ سے بھی خطاب کریں گے ، اسٹیڈیم میں جلسے کی تمام تیاریاں مکمل کرلی گئی ہیں۔

گذشتہ روز وزیراعظم عمران خان نے حسن ابدال میں ریلوے اسٹیشن کا افتتاح اور خیبرپختونخوا کے شہریوں کیلئے ہیلتھ کارڈ کا عملی آغاز کیا تھا۔

وزیر اعظم نے کہا تھا کہ موٹر وے، ایکسپریس کی وجہ سے سوات بالکل بدلنے والا ہے، کے پی میں صحت سہولت کارڈ سے شہری 10 لاکھ تک علاج کرا سکے گا۔

 عمران خان کا کہنا تھا  کہ صرف سیاحت ترقی کرلے تو کبھی آئی ایم ایف نہیں جانا پڑے گا ، خواہش ہے کہ پاکستان ایسا ملک بنے کہ کسی کے آگے ہاتھ نہ پھیلانا پڑے۔

The post وزیراعظم عمران‌ خان آج حافظ آباد میں یونیورسٹی اور اسپتال کا افتتاح کریں گے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3p919X0