ریاض: سعودی وزیرصحت ڈاکٹر توفیق الربیعہ نے کہا ہے کہ کروناویکسین کی عالمی منظوری کے بعد ہی مملکت میں ویکسین لائی جائے گی اس سے قبل ممکن نہیں ہے۔
عرب میڈیا کی رپورٹ کے مطابق مقامی میڈیا سے گفتگو کرتے ہوئے سعودی وزیرصحت ڈاکٹر توفیق الربیعہ کا کہنا تھا کہ عالمی منطوری ملتے ہی کرونا ویکسین سعودی عرب میں مہیا ہوگی، ویکسین کے کامیاب تجربات کا ہونا بھی ضروری ہے۔
انہوں نے کہا کہ احتیاطی تدابیر نہ اپنائی جائیں تو کروناوائرس دوبارہ حملہ کرسکتا ہے، حالیہ دنوں سعودی عرب میں مہلک وائرس کے کیسز کم ہوئے ہیں، اور ماضی کے مقابلے میں مثبت پہلو سامنے آیا ہے۔
ان کا کہنا تھا کہ سعودی عرب پہلی فرصت میں کرونا ویکسین فراہم کرنے کے لیے مستعد ہے۔
وزیر نے کہا جب تک ویکسین ہر لحاظ سے محفوظ نہ ہو ہم مملکت میں اس کا استعمال نہیں کرسکتے، سعودی قیادت مختلف ملکوں میں ویکسین کی تیاری کی کوششوں پر نظر رکھے ہوئے ہے۔
ڈاکٹر توفیق نے شہریوں کو مشورہ دیا کہ وہ حفاظتی تدابیر کی پابندی کریں، احتیاطی تدابیر کی پابندی ہی کرونا کی وبا کے پلٹ کر وار کرنے کے سنگین نتائج سے بچانے کی واحد ضمانت ہے۔
The post کروناویکسین سعودی عرب میں کب دستیاب ہوگی؟ حکومت نے بتادیا appeared first on ARYNews.tv | Urdu - Har Lamha Bakhabar.
from عالمی خبریں – ARYNews.tv | Urdu – Har Lamha Bakhabar https://ift.tt/2GC5OPt
کوئی تبصرے نہیں:
ایک تبصرہ شائع کریں
Hi !! Dear