The abducted women could not be recovered within 12 miles of Khanewal police station

خانیوال: پنجاب کے شہر خانیوال کے ایک علاقے میں کئی ماہ سے اغوا شدہ 2 خواتین کا کوئی اتا پتا نہ چل سکا، پولیس بھی مغوی خواتین کو بازیاب نہ کرا سکی۔

اے آر وائی نیوز کے مطابق خانیوال کے علاقے تھانہ بارہ میل کی حدود سے اغوا دو خواتین تاحال بازیاب نہ کی جا سکیں، دونوں خواتین کے ورثا نے وزیر اعلیٰ پنجاب اور اعلیٰ پولیس حکام سے نوٹس لینے کی اپیل کر دی ہے۔

مغوی خواتین کے اہل خانہ کا کہنا ہے کہ ڈی پی او دفتر اور تھانوں کے چکر لگا کر وہ تھک چکے ہیں لیکن کوئی شنوائی نہیں ہوئی، تھانہ بارہ میل پولیس نے نامزد ملزمان کو بھی حراست میں لے کر چھوڑ دیا ہے۔ جس پر اہل خانہ نے ڈی پی او آفس پر احتجاج کیا اور وزیر اعلیٰ اور آئی جی پنجاب پولیس سے نوٹس لینے کا مطالبہ کیا ہے۔

ایک مغویہ کے بھائی نے اپنے بیان میں کہا ہے کہ جب وہ تھانے جاتے ہیں تو ایس ایچ او ان کے ساتھ بدسلوکی کرتا ہے، خدشہ ہے اغوا کاروں نے بہن کو فروخت کر دیا ہے، اور پولیس اس پر کچھ نہیں کر رہی۔

لواحقین نے آئی جی سے اپیل کی ہے کہ تھانہ بارہ میل میں مہینوں سے اغوا دو خواتین کو بازیاب کرایا جائے۔

The post خانیوال تھانہ بارہ میل کی حدود سے اغوا خواتین بازیاب نہ ہو سکیں appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3jnKavF