سعودی عرب: محرم الحرام کا چاند نظر آگیا، نئے اسلامی سال کا آغاز

ریاض: سعودی عرب میں محرم الحرام کا چاند نظر آگیا، آج سے نئے اسلامی سال کا آغاز ہوگیا۔

تفصیلات کے مطابق سعودی عرب میں گزشتہ روز محرم الحرام کا چاند نظر آگیا تھا جس کے ساتھ ہی نئے ہجری سال 1442 ہجری کا آغاز ہوگیا ہے۔

ام السدیر کی المجمعہ رصدگاہ میں رویت ہلال کی گواہی ریکارڈ کی گئی،شقرا، تمیر اور حوطۃ سدیر میں محرم الحرام 1442 ہجری کا چاند دیکھا گیا۔

سعودی سپریم کورٹ نے گزشتہ روز نئے ہجری سال کا چاند دیکھنے کی اپیل کی تھی۔سعودی عرب میں آج 20 اگست کو یکم محرم جبکہ 10 محرم 29 اگست ہفتے کو ہوگی۔

خیال رہے کہ اس سے قبل ماہر فلکیات ڈاکٹر ابراہیم المقحم کا کہنا تھا کہ بدھ کی شام چاند سورج غروب ہونے کے بعد کافی دیر تک نظر آئے گا ان کا کہنا تھا کہ 34 منٹ تک چاند دیکھا جا سکے گا۔

The post سعودی عرب: محرم الحرام کا چاند نظر آگیا، نئے اسلامی سال کا آغاز appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3iXvx2C