‘وزیراعظم کی قیادت میں حکومت نے ایک نئی تاریخ رقم کردی’

لاہور: وزیراعلیٰ پنجاب کی معاون خصوصی فردوس عاشق اعوان کا کہنا ہے کہ پہلی بار مالی سال میں 4ہزارارب سے زائد کے محصولات جمع کیے گئے، وزیراعظم کی قیادت میں حکومت نے ایک نئی تاریخ رقم کی۔

تفصیلات کے مطابق سماجی رابطے کی ویب سائٹ ٹوئٹر پر فردوس عاشق نے لکھا کہ ریکارڈ محصولات کا جمع ہونا حکومتی معاشی پالیسیوں پر اعتماد کا عکاس ہے، ریکارڈ محصولات درست سمت اور وزیراعظم پر قوم کے مضبوط اعتماد کا عکاس ہے، وبا کے باوجود معاشی اشاریوں میں بہتری وزیراعظم کی قائدانہ صلاحیت کی بدولت ہے۔

ان کا کہنا تھا کہ پی ڈی ایم ٹولہ حصول اقتدار کے لیے اوچھے ہتھکنڈے استعمال کررہی ہے، بےجا الزامات بےوقت کی راگنی اور ترقی کی راہ میں رکاوٹیں ڈالنے کے مترادف ہے۔

خیال رہے کہ ملک کو حکومت کی کامیاب معاشی پالیسی کے ثمرات مل رہے ہیں۔

کورونا کی مشکلات کے باوجود معاشی اعشاریوں میں بہتری وزیراعظم عمران خان کی قائدانہ صلاحیتوں اور مستحکم ہوتی ملکی معیشت کی نوید ہے۔ اپوزیشن خصوصا کرپٹ PDM ٹولے کیجانب سے حصول اقتدار کیلئے اوچھے ہتھکنڈے اور بےجا الزامات بے وقت کی راگنی اور ترقی کی راہ میں رکاوٹیں ڈالنے کے مترادف ہے۔

— Dr. Firdous Ashiq Awan (@Dr_FirdousPTI) May 30, 2021

The post ‘وزیراعظم کی قیادت میں حکومت نے ایک نئی تاریخ رقم کردی’ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3c3OOOB