غزہ : اسرائیل کے جاری فضائی حملوں میں شہید ہونے والے فلسطینیوں کی تعداد 113 ہوگئی ، جن میں 31 بچے بھی شامل ہیں جبکہ 600 افراد زخمی بھی ہوئے ۔
تفصیلات کے مطابق اسرائیلی فوج کی جانب سے بربریت کا سلسلہ جاری ہے ، غزہ کی پٹی پر جاری فضائی حملوں میں گذشتہ چار روز میں شہید ہونے والے فلسطینیوں کی تعداد 113 ہوگئی ہے ، جن میں 31 بچے شامل ہیں۔
غیر ملکی خبر رساں ادارے کے مطابق غزہ میں حماس کے تحت وزارت صحت کے ترجمان کی جانب سے بیان میں کہا گیا کہ اسرائیلی فورسز کے حملوں میں 600 فلسطینی زخمی بھی ہوئے جن میں سے درجنوں کی حالت تشویشناک ہے۔
رپورٹ کے مطابق اسرائیلی طیاروں نے غزہ کی پٹی میں واقع القدس اور شیخ جراح میں فلسطینی شہری آبادی پر حملے کئے۔
خیال رہے سعودی عرب کی درخواست پراو آئی سی نے اتوار کے روز ہنگامی اجلاس طلب کرلیا ہے، جس میں تمام ممالک کے اراکین کو شرکت کی دعوت دی گئی ، او آئی سی کی جانب سے طلب کیے جانے والے ہنگامی اجلاس میں اسرائیلی بربریت اور فلسطین کی صورت حال پر غور کیا جائے گا۔
واضح رہے کہ جمعۃ الوداع کے روز سے اسرائیلی فوج فلسطینیوں میں ظلم کے پہاڑ ڈھا رہی ہے، اسرائیلی فورسز نے مسجد اقصیٰ میں نماز ادائیگی کے لیے جمع ہونے والے نمازیوں کو منتشر کرنے کے لیے بھرپور طاقت کا مظاہرہ کیا، جس میں بچوں اور خواتین سمیت درجنوں زخمی اور گرفتار بھی ہوئے۔
The post غزہ پر اسرائیلی حملوں میں شہید ہونے والے فلسطینیوں کی تعداد 113 جاپہنچی، 31 بچے شامل appeared first on ARYNews.tv | Urdu - Har Lamha Bakhabar.
from عالمی خبریں – ARYNews.tv | Urdu – Har Lamha Bakhabar https://ift.tt/2Qix4aP
کوئی تبصرے نہیں:
ایک تبصرہ شائع کریں
Hi !! Dear