سعودی عرب: رواں ماہ کے لیے پیٹرول کی قیمت کیا ہے؟

ریاض: سعودی عرب میں رواں ماہ کے لیے پیٹرولیم مصنوعات کی نئی قیمتیں جاری کردی گئیں، رواں ماہ پیٹرول کی قیمت میں اضافہ کیا گیا ہے۔

سعودی ویب سائٹ کے مطابق سعودی آرامکو نے بدھ کی شب رواں ماہ کے لیے پیٹرول کے نئے نرخ جاری کیے ہیں۔

جنوری کے مقابلے میں نرخوں میں اضافہ کیا گیا ہے، پیٹرول کی نئی قیمتوں کا اطلاق 11 فروری سے ہوگیا۔ آرامکو کی ویب سائٹ پر جاری کردہ بیان کے مطابق فروری کے لیے 91 پیٹرول کی فی لیٹر قیمت 1 ریال 81 ہللہ ہوگی۔

جنوری کے لیے 91 پیٹرول کی فی لیٹر قیمت 1 ریال 62 ہللہ مقرر تھی، 95 پیٹرول کی فی لیٹر قیمت 1 ریال 94 ہللہ مقرر کی گئی ہے جو جنوری میں 1 ریال 75 ہللہ تھی۔

رواں ماہ ڈیزل اور کیروسین آئل کے نرخوں میں کوئی تبدیلی نہیں ہوئی جو 52 ہللہ اور 70 ہللہ فی لیٹر کے حساب سے فروخت کیے جاتے ہیں۔

یاد رہے کہ اس سے قبل گزشتہ سال دسمبر کے لیے 91 پیٹرول کی فی لیٹر قیمت 1 ریال 44 ہللہ تھی جبکہ 95 پیٹرول فی لیٹر 1 ریال 55 ہللہ فروخت کیا جا رہا تھا۔

سعودی آرامکو کی جانب سے ہر ماہ کی 10 تاریخ کو پیٹرول کے نئے نرخوں کا اعلان کیا جاتا ہے جن کا نفاذ اگلے دن سے ہوتا ہے۔

The post سعودی عرب: رواں ماہ کے لیے پیٹرول کی قیمت کیا ہے؟ appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3tMwAIR