سعودی عرب: شہریوں کے لیے معیشت کے حوالے سے حوصلہ افزا خبر

ریاض: سعودی محکمہ شماریات نے دو ہزار بیس کی تیسری سہ ماہی سے متعلق اپنی رپورٹ جاری کردی ہے۔

سعودی خبررساں ادارے ایس پی اے کے مطابق محکمہ شماریات کا کہنا ہے کہ سال دوہزار بیس کی تیسری سہ ماہی کے دوران سعودی شہریوں میں بے روزگاری کی شرح کم ہوکر14.9 فیصد رہ گئی جبکہ سعودیوں اور غیر ملکیوں میں بے روزگاری کی مجموعی شرح کم ہوکر 8.5 فیصد ہوگئی۔

محکمہ شماریات نے بتایا کہ دوہزار انیس کی تیسری سہ ماہی کے مقابلے میں دوہزاربیس کی تیسری سہ ماہی کے دوران سعودیوں میں بے روزگاری کی شرح 2.9 فیصد بڑھ گئی جبکہ اس عرصے کے دوران سعودیوں اور مقیم غیرملکیوں میں روزگار کی مجموعی شرح دوہزاربیس کی تیسری سہ ماہی کے دوران بڑھ کر 59.5 فیصد تک پہنچ گئی۔

یہ بھی پڑھیں:  سعودی عرب میں لیڈی ڈاکٹر کو ڈیڑھ لاکھ ریال دیت دینے کا حکم

محکمہ معلومات کے سلسلے میں دو ذرائع پر انحصار کیا گیا، سماجی اعدادوشمار کے عنوان سے خاندانوں کے بارے میں جائزے جبکہ متعلقہ سرکاری اداروں میں درج معلومات اور اعدادوشمار پر انحصار کیا جاتا ہے۔

یاد رہے کہ سعودی محکمہ شماریات ہر تین ماہ پر سعودی مارکیٹ سے متعلق اعدادوشمار جاری کرتا ہے۔

The post سعودی عرب: شہریوں کے لیے معیشت کے حوالے سے حوصلہ افزا خبر appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/39c0pdH