لاہور : کرغزستانی سفیرایرک بیشم بیف نے کہا ہے کہ پاکستانی تاجر کرغزستانی مارکیٹس میں اپنی مصنوعات فروخت کر سکتے ہیں، جبکہ کرغزستان کی منڈیوں سے یورپ اور دیگر مغربی ممالک سامان برآمد کیا جاسکتاہے۔
تفصیلات کے مطابق کرغزستانی سفیر ایریک بیشیم بیف نے لاہور سنٹر فار پیس ریسرچ کے زیر اہتمام گول میز کانفرنس سے خطاب کرتے ہوئے کہا کہ جمہوریہ کرغزستان میں سرمایہ کاری کے آسان اور منافع بخش مواقع موجود ہیں۔
ایریک بیشیم بیف کا کہنا تھا کہ کرغیز مارکیٹس پاکستانی تاجروں کے لئے کھلی ہوئی ہیں، پاکستانی تاجر کرغزستانی مارکیٹس میں اپنی مصنوعات فروخت کر سکتے ہیں، جبکہ کرغزستان کی منڈیوں سے یورپ اور دیگر مغربی ممالک سامان برآمد کیا جاسکتاہے۔
انھوں نے کہا کہ کرغزستان کئی سالوں سے کامیابی کے ساتھ یورپ اور عرب ممالک میں کرغیز شہد برآمد کررہا ہے، ہم اپنی اعلی معیار کی ماحول دوست زرعی مصنوعات ، نامیاتی سبزیاں اور پھل، گوشت، دودھ کی مصنوعات اور شہد پر توجہ مرکوز کئے ہوئے ہیں۔
کرغیز سفیر نے پاکستان اور کرغزستان کے درمیان ٹرانسپورٹ معاہدوں کی تجدید پر زور دیتے ہوئے کہا ٹرانسپورٹ معاہدوں سے دونوں ممالک مزید قریب آئیں گے۔
دوسری جانب سابق سفیرشمشاد احمد خان کاکہناتھاکہ دونوں ملکوں کے درمیان نہ صرف تاریخی اورخوشگوار تعلقات ہیں بلکہ دونوں ممالک کے درمیان انیس سو اکانوے سے بارہا اعلی سطح کے وفود کا تبادلہ ہوتا رہا ہے۔
وزارت صنعت و پیداوار کیلئے حکومتی مشیر ڈاکٹر حسنین جاوید نے کہا کہ دونوں ممالک کے مابین سیاحت سے باہمی فائدہ ہوگا۔
The post پاکستانی تاجروں کیلیے بڑی خوشخبری appeared first on ARYNews.tv | Urdu - Har Lamha Bakhabar.
کوئی تبصرے نہیں:
ایک تبصرہ شائع کریں
Hi !! Dear