گلگت الیکشن، اسد عمر کا بڑا اعلان

اسلام آباد: وفاقی وزیر برائے منصوبہ بندی اسد عمر نے اعلان کیا ہے کہ جنوبی بلوچستان کے بعد گلگت بلتستان (جی بی) کے لیے تاریخ ساز ترقیاتی پروگرام پر کام ہوگا۔

تفصیلات کے مطابق سماجی رابطے کی ویب سائٹ ٹوئٹر پر اسد عمر نے اعلان کیا کہ الیکشن کے بعد پی ٹی آئی منتخب جی بی حکومت کے ساتھ مل کر کام کرے گی۔

انہوں نے ٹوئٹر پر ہیش ٹیگ لکھا کہ ‘بلے پہ ٹھپہ’۔

کراچی اور جنوبی بلوچستان کے تاریخی وفاقی ترقیاتی پروگراموں کے بعد اب انشاءاللہ گلگت بلتستان کے لئے تاریخ ساز ترقیاتی پروگرام پر کام ہو گا. آج کے الیکشن کے بعد انشاءاللہ تحریک انصاف کی منتخب گلگت بلتستان حکومت کے ساتھ مل کر علاقے کے لئے ہنگامی بنیادوں پر کام کریں گے #بلے_پہ_ٹھپہ

— Asad Umar (@Asad_Umar) November 15, 2020

دوسری جانب وزیراعلیٰ پنجاب کی معاون خصوصی فردوس عاشق اعوان کا کہنا ہے کہ اپوزیشن جی بی انتخابی نتائج کو لے کر بدامنی پھیلانے کی کوشش کرسکتی ہے، دھاندلیوں کا واویلا کرکے بدانتظامی کی کوشش کی جائے گی۔

انہوں نے تشویش کا اظہار کیا کہ بیرون ملک بیٹھے مخالفین بھی اس بدامنی میں شامل ہوسکتے ہیں۔

معاون خصوصی کا مزید کہنا تھا کہ ریاست کے خلاف وہ شخص بیانیہ دے رہا ہے جو 3باروزیراعظم رہا، کل سے ہفتہ شان مصطفیٰ کی تقریبات شروع ہوں گی جس کا افتتاح وزیراعلیٰ پنجاب کابینہ اجلاس کے بعد کریں گے۔

خیال رہے کہ گلگت بلتستان میں انتخابی دنگل سج چکا ہے، تئیس نشستوں پر تین سو بیس امیدواروں کے درمیان مقابلہ ہورہا ہے، رائے عامہ کے جائزوں کے مطابق پی ٹی آئی کی پوزیشن مضبوط ہے، انتخابات میں تحریک انصاف، مسلم لیگ (ن) اور پیپلزپارٹی سمیت کئی جماعتیں حصہ لے رہی ہیں۔

The post گلگت الیکشن، اسد عمر کا بڑا اعلان appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/36A5IRz