لاہور: پاکستان کرکٹ بورڈ(پی سی بی) نے سابق کپتان یونس خان کو قومی ٹیم کا بیٹنگ کوچ مقرر کردیا۔
تفصیلات کے مطابق یونس خان کو2022ٹی ٹوئنٹی ورلڈکپ تک بیٹنگ کوچ بنایا گیا ہے۔ یونس خان نے انگلینڈ کے خلاف بیٹنگ کوچ کے فرائض انجام دیے تھے۔
نیوزی لینڈ کے خلاف سیریز میں بھی یونس خان بطور بیٹنگ کوچ ذمے داری نبھائیں گے اور 2022 ٹی ٹوئنٹی ورلڈکپ تک بیٹنگ کوچ رہیں گے۔
دوسری جانب ارشد خان کو پاکستان ویمن ٹیم کے بولنگ کوچ تعینات کردیا گیا ہے۔
PCB confirms appointments of Younis and Arshad— PCB Media (@TheRealPCBMedia) November 12, 2020
پاکستان کرکٹ بورڈ کا کہنا ہے کہ جب یونس خان کی قومی ٹیم کے ساتھ مصروفیت نہیں ہوگی تو وہ ہائی پرفارمنس سینٹر کراچی میں ذمےداریاں نبھائیں گے۔
پی سی بی کے چیف ایگزیکٹو وسیم خان کا کہنا ہے کہ مجھے خوشی ہے یونس خان بطور بیٹنگ کوچ اپنی ٹیم کی تربیت کریں گے، دورہ انگلینڈ میں انہوں نے بہترین ذمے داری نبھائی جس کی بنیاد پر انہیں کوچ بنایا گیا۔
انہوں نے مزید کہا مجھے یقین ہے کہ ان کی تقرری سے متعدد باصلاحیت بلے بازوں کو فائدہ ہوگا۔
The post یونس خان قومی ٹیم کے بیٹنگ کوچ مقرر appeared first on ARYNews.tv | Urdu - Har Lamha Bakhabar.
کوئی تبصرے نہیں:
ایک تبصرہ شائع کریں
Hi !! Dear