کویت سٹی: کویت کے وزیر صحت باسل الصباح نے براہ راست پروازوں کی تجویز پر غور کرنے کا وعدہ کر لیا ہے۔
تفصیلات کے مطابق کویت کے وزیر صحت ڈاکٹر باسل الصباح نے براہ راست پروازوں سے کویت پہنچنے کی تجویز پر غور شروع کر دیا ہے۔
گزشتہ روز کویت ایئرویز نے اعلان کیا تھا کہ وزیر صحت نے کویت ایئرویز اور جزیرا ایئرویز کے نمائندوں کے ساتھ اس سلسلے میں خصوصی ملاقات کی ہے، جس میں براہ راست پروازوں کی اجازت کے سلسلے میں گفتگو ہوئی۔
کویت ایئر ویز کا کہنا تھا کہ وزیر صحت کو براہ راست پروازوں کے ذریعے کویت پہنچنے والے مسافروں کے سلسلے میں وزارت صحت کے منظور شدہ اقدامات کے اطلاق کے حوالے سے تجاویز دی گئیں، جس پر تفصیلی تبادلہ خیال کیا گیا۔
تجاویز میں یہ بھی شامل تھا کہ ایئر پورٹس کو ڈائریکٹ فلائٹس کے لیے کھولا جائے اور مذکورہ دو ایئر لائنز سے کویت آنے والے مسافروں سے ایئرپورٹ پر اترتے ہی کرونا کے 2 پی سی آر ٹیسٹس کے پیسے وصول کیے جائیں یا پھر ٹکٹ میں اسے شامل کیا جائے۔
وزیر صحت نے مذکورہ ایئرلائنز کی تجاویز کے سلسلے میں اپنے مکمل تعاون کا اظہار کیا اور کہا کہ ان پر جلد غور کیا جائے گا۔ ڈاکٹر باسل الصباح نے کہا کہ وزارت صحت کا تکنیکی عملہ ان تجاویز کا ہر طرح سے جائزہ لے گا۔
کویت کے وزیر صحت سے ایئر لائنز کے نمائندوں کی اس ملاقات کے بعد یہ توقع کی جا رہی ہے کہ کویت میں براہ راست پروازوں کا سلسلہ شروع ہو جائے گا۔
The post کویت: غیر ملکی مسافروں کے لیے خوش خبری appeared first on ARYNews.tv | Urdu - Har Lamha Bakhabar.
کوئی تبصرے نہیں:
ایک تبصرہ شائع کریں
Hi !! Dear