ریاض : سعودی محکمہ ٹریفک نے ٹریفک قوانین کی سنگین خلاف ورزی کرنے والے شخص کو گرفتار کرلیا، ملزم کی بغیر نمبر پلیٹ گاڑی کے ساتھ زگ زیگ ڈرائیونگ کی ویڈیو سوشل میڈیا پر پوسٹ کی گئی تھی۔
سعودی عرب میں طائف محکمہ ٹریفک نے زگ زیگ ڈرائیونگ کرنے پر ایک ڈرائیور کو گرفتار کیا ہے، ڈرائیور نے جو بغیر نمبر پلیٹ والا چھوٹا ٹرک انتہائی تیز رفتاری سے چلارہا تھا، اس کی ویڈیو سوشل میڈیا پر شیئر کی گئی تھی۔
سعودی ذرائع ابلاغ کے مطابق ویڈیو میں دیکھا جاسکتا ہے کہ ڈرائیور گاڑیوں کے درمیان سے ٹرک تیز رفتاری سے چلاتے ہوئے جا رہا ہے۔
محکمہ ٹریفک نے اپنے بیان میں کہا کہ ڈرائیور نے برق رفتاری سے زگ زیگ ڈرائیونگ کرکے نہ صرف یہ کہ اپنی زندگی بلکہ سڑک پر موجود دیگر افراد کی زندگیوں کو بھی خطرات لاحق کر دیے تھے جو کہ سنگین جرم کے زمرے میں آتا ہے۔
مرور محافظة الطائف يضبط قائد المركبة الذي قام بنشر مقاطع في وسائل التواصل الاجتماعي، وهو يقود المركبة بسرعة عالية، مراوغاً بين المركبات، معرضاً حياته وحياة الآخرين للخطر، وسيتم إحالته للهيئة المرورية لتطبيق العقوبات المقررة في نظام المرور
#المرور_السعودي pic.twitter.com/oGV1HJ6KBj
— المرور السعودي (@eMoroor) October 19, 2020
بیان میں مزید کہا گیا ہے کہ یہ معاملہ ٹریفک اتھارٹی کے حوالے کردیا گیا ہے جہاں ویڈیو کلپ پر مشتمل مکمل رپورٹ کی بنیاد پر اس کے خلاف سخت سزا کا فیصلہ ہوگا۔
محکمہ ٹریفک نے اپنے سرکاری اکاؤنٹ پر تیز رفتار ڈرائیونگ کی تصاویر بھی جاری کی ہیں جنہیں دیکھ کر صاف نظر آرہا ہے کہ ڈرائیور انتہائی تیز رفتاری سے ٹرک چلا رہا تھا، ملزم کی گرفتاری کے بعد بھی ٹرک کی ایک تصویر ویب سائٹ پر دی گئی ہے۔
The post سعودی عرب : ڈرائیور کو کرتب دکھانا مہنگا پڑگیا appeared first on ARYNews.tv | Urdu - Har Lamha Bakhabar.
from عالمی خبریں – ARYNews.tv | Urdu – Har Lamha Bakhabar https://ift.tt/2IOl0dd
کوئی تبصرے نہیں:
ایک تبصرہ شائع کریں
Hi !! Dear