اسلام آباد : ایئرپورٹ پر ایف آئی اے امیگریشن نے کارروائی کرتے ہوئے جعلی دستاویزات پر اٹلی جانے والے مسافر کو گرفتار کرلیا ، مسافر کا تعلق خیبر ایجنسی سے ہے۔
تفصیلات کے مطابق اسلام آباد ایئرپورٹ پر ایف آئی اے امیگریشن نے کارروائی کرتے ہوئے جعلی دستاویزات پر بیرون ملک جانے کی کوشش ناکام بنادی۔
ایئرپورٹ ذرائع کا کہنا ہے کہ سید شمس الرحمان پرواز کیو آر 615 پر اٹلی براستہ دوحا جارہا تھا،دوران امیگریشن مسافر کا اٹالین ریزیڈینس پرمٹ جعلی نکلا، جس پر ایف آئی اے امیگریشن حکام نے مسافر کو حراست میں لے لیا۔
مزید قانونی کارروائی کے لیے مسافر کو انسداد انسانی اسمگلنگ سیل منتقل کردیا گیا ، مسافر کا تعلق خیبر ایجنسی سے ہے۔
مزید پڑھیں : جعلی سفری دستاویز پر کینیڈا جانے والے 3 مسافر زیرِ حراست
یاد رہے پی آئی اے ٹاسک فورس نے نیو اسلام آباد انٹر نیشنل ایئرپورٹ پر کارروائی کرتے ہوئے جعلی سفری دستاویز پر کینیڈا جانے والے 3 مسافرکو حراست میں لے لیا تھا ، ٹاسک فورس نے تین الگ کاروائیاں کیں ،تینوں مسافر پی آئی اے کی پرواز پی کے781کے ذریعے اسلام آباد سے ٹورنٹو جارہے تھے۔
پی آئی اے کے ٹاسک فورس نے چیک ان کاونٹر سے پہلے مسافروں کے سفری دستاویزچیک کئے تو کینیڈا کے ویزے جعلی نکلے، پی آئی اے ٹاسک فورس نے مزید ری کنفرم کرنے کیلئے ایمیگریشن کی مدد حاصل کی تھی۔
پی آئی اے ٹاسک فورس نے مزید قانونی کاروائی کیلئے ایف آئی اے کے حوالے کردیا تھا، تینوں مسافروں کا تعلق سیالکوٹ سے بتایا جاتا ہے
The post جعلی دستاویزات پر اٹلی جانے والا مسافر ایئرپورٹ سے گرفتار appeared first on ARYNews.tv | Urdu - Har Lamha Bakhabar.
کوئی تبصرے نہیں:
ایک تبصرہ شائع کریں
Hi !! Dear