Saudi government cracks down on people with disabilities

ریاض : سعودی عرب میں محکمہ ٹریفک نے کہا ہے کہ مملکت کے مختلف علاقوں میں معذوروں کے لیے مخصوص جگہوں پر پارکنگ پر دوہزار438 گاڑیوں کے مالکان کے خلاف کارروائی کی گئی ہے۔

سعودی ذرائع ابلاغ کے مطابق محکمہ ٹریفک کا کہنا ہے کہ ٹریفک قانون کے مطابق سرکاری و نجی اداروں اور مختلف پبلک مقامات پر معذوروں کی کاروں کے لیے پارکنگ مختص ہے جہاں کسی دوسرے کو گاڑی پارک کرنے کی اجازت نہیں۔

ٹریفک اہلکار ضابطے کی پابندی کرانے کے لیے جگہ جگہ چھاپے مار رہے ہیں۔ جہاں بھی کوئی خلاف ورزی کی جاتی ہے فوری کارروائی کرتے ہیں۔

محکمہ ٹریفک نے سعودی شہریوں اور مقیم غیرملکیوں سے اپیل کی کہ وہ معذوروں کے لیے مختص مقامات پر گاڑی پارک کرنے سے گریز کریں۔

سعودی ذرائع ابلاغ کے مطابق محکمہ ٹریفک نے یاد دہانی کرائی ہے کہ معذوروں کے لیے مختص مقامات پر گاڑی پارک کرنے پر500سے900 ریال تک کا جرمانہ ہوگا، گاڑی کے مالک یا ڈرائیور تک رسائی نہ ہونے کی صورت میں گاڑی قبضے میں لی  جائے گی۔

The post سعودی حکومت کی معذوروں کے حقوق سلب کرنے والوں کیخلاف بڑی کارروائی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2Gjf8ri