انڈیانا: امریکی ریاست انڈیانا میں کار چلا کر اپنی دادی کی جان بچانے والے 11 سالہ بچے کو ہیرو قرار دیا جا رہا ہے۔
تفصیلات کے مطابق امریکی ریاست انڈیانا میں انجیلا نامی خاتون نے سوشل میڈیا ویب سائٹ فیس بک پر اپنا واقعہ شیئر کیا جس میں انہوں نے بتایا کہ میں روڈ پر چہل قدمی کر رہی تھی کہ اچانک میری بینائی کم ہوگئی اور خون میں گلوکوز کی سطح 40 ملی گرام تک گر گئی، طبعیت خراب ہونے کی وجہ سے میں ایک اسٹاپ سائن کی طرف بیٹھ گئی۔
انجیلا کا کہنا تھا کہ میری خراب طبعیت دیکھ کر میرا پوتا فوراََ گھر کی طرف گیا،اچانک میں نے اپنی دائیں طرف سے ایک کار کو آتے ہوئے دیکھا جب وہ قریب آئی تو میں یہ دیکھ کر حیران رہ گئی کہ یہ تو میری مرسڈیز بینز ہے اور اسے کوئی اور نہیں 11 سالہ پی جے بریور چلا رہا تھا۔
انہوں نے بتایا کہ پی جے کے پاس ڈرائیونگ لائسنس نہیں تھا، تاہم وہ اس سے پہلے اپنے دادا کے لیے گاڑیوں کو گھر کے پارکنگ اسپیس میں پارک کرتا تھا۔
خاتون نے بتایا کہ اس کے پوتے نے انہیں فوری کار میں بتایا اور گھر لے آیا جہاں مجھے گلوکوز کی گولیاں دی گئی جسے کھانے کے بعد میری طبعیت میں بہتری آئی۔
انہوں نے اپنی فیس بک پوسٹ میں لکھا کہ میں آپ کو بتاتی چلوں کہ یہ بچہ صرف 11 سال کا ہے اور یہ اپنی ماں سے بہتر ڈرائیونگ کرتا ہے۔
The post 11 سالہ لڑکے کا بے مثال کارنامہ، سوشل میڈیا پر چرچے appeared first on ARYNews.tv | Urdu - Har Lamha Bakhabar.
from عالمی خبریں – ARYNews.tv | Urdu – Har Lamha Bakhabar https://ift.tt/3h2XC76
کوئی تبصرے نہیں:
ایک تبصرہ شائع کریں
Hi !! Dear