سعودی عرب: ڈرائیوروں کو سخت وارننگ دے دی گئی

ریاض : سعودی عرب میں ایمبولینس، محکمہ شہری دفاع اور سکیورٹی فورسز کی گاڑیوں کو راستہ نہ دینے پر سخت سزاؤں کا اعلان کیا گیا ہے۔

تفصیلات کے مطابق سعودی محکمہ ٹریفک کے ترجمان نے ایمرجنسی خدمات فراہم کرنے والی گاڑیوں کو راستہ دینے کے ضوابط مقرر کرتے ہوئے تنبیہہ کی ہے کہ خلاف ورزی کرنے والوں پر جرمانے عائد ہوں گے۔

سعودی ذرائع ابلاغ کے مطابق محکمہ ٹریفک کی جانب سے کہا گیا ہے کہ ایمرجنسی خدمات فراہم کرنے والی گاڑیوں یا سرکاری کارواں کے ہارن کی آواز سنیں تو ترجیحی بنیادوں پر ان کے لیے راستہ دینے کا اہتمام کریں۔

مثلاً اگر آپ کسی چوراہے پر ہوں تو فوراً ہی ایک طرف ہوجائیں اور ایمرجنسی خدمات فراہم کرنے والی گاڑی یا سرکاری کارواں کو گزرنے کے لیے راستہ دیں اور اس حوالے سے کسی قسم کی کوئی رکاوٹ پیدا نہ کریں۔

محکمہ ٹریفک نے توجہ دلائی ہے کہ ٹریفک قانون کی شق 54 کے مطابق اس پر عمل کرنا اور اس کی پابندی کرنا ہر ایک پر لازم ہے۔ یاد رہے کہ ایمبولینس، محکمہ شہری دفاع اور سکیورٹی فورس کی گاڑیاں ایمرجنسی خدمات کے دائرے میں آتی ہیں۔

The post سعودی عرب: ڈرائیوروں کو سخت وارننگ دے دی گئی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3bfMR0d