پختونخواہ میں ایک اور ڈاکٹر کرونا وائرس سے انتقال کر گئے

پشاور: صوبہ خیبر پختونخواہ میں ایک اور ڈاکٹر کرونا وائرس کے باعث جان کی بازی ہار گئے، پختونخواہ میں کرونا وائرس سے جاں بحق ڈاکٹرز کی تعداد 51 ہوچکی ہے۔

تفصیلات کے مطابق صوبائی ڈاکٹرز ایسوسی ایشن کا کہنا ہے کہ کرونا وائرس میں مبتلا ڈاکٹر محمد رفیق انتقال کر گئے، محمد توفیق پولیس سروسز اسپتال میں ڈینٹل سرجن تعینات تھے۔

پی ڈی اے کا کہنا ہے کہ کرونا وائرس میں مبتلا ہونے کے بعد ڈاکٹر محمد توفیق گھر پر قرنطینہ میں تھے۔

ڈاکٹر توفیق کے انتقال کے بعد پختونخواہ میں کرونا وائرس سے جاں بحق ڈاکٹرز کی تعداد 51 ہوچکی ہے۔

یاد رہے کہ ملک میں کرونا وائرس کی صورتحال بگڑتی جارہی ہے، ملک میں کرونا وائرس سے مجموعی اموات کی تعداد 14 ہزار 821 ہوچکی ہے۔

گزشتہ 24 گھنٹے میں کرونا وائرس کے 4 ہزار 323 کیسز رپورٹ ہوئے ہیں جس کے بعد ملک میں کووڈ 19 کے مجموعی کیسز کی تعداد 6 لاکھ 92 ہزار 231 ہوچکی ہے۔ ملک میں فعال کیسز کی تعداد 61 ہزار 450 ہے۔

The post پختونخواہ میں ایک اور ڈاکٹر کرونا وائرس سے انتقال کر گئے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3mi60UH