سعودی حکومت کا تجارت کے فروغ کیلئے بڑا اقدام

جدہ میونسپلٹی نے سال رواں کے دوران ای گیٹ کے ذریعے ایک لاکھ 11 ہزار420 تجارتی لائسنس جاری کیے جبکہ سال رواں کے دوران 12 لاکھ افراد نے میونسپلٹی کے ای گیٹ کا وزٹ کیا۔

سعودی خبر رساں ادارے کے مطابق جدہ میونسپلٹی گیٹ نے سال رواں کے حوالے سے اعداد و شمار جاری کرکے ای الیکٹرانک خدمات کو اجاگر کیا ہے۔

میونسپلٹی نے اس حوالے سے اپنی رپورٹ میں بتایا کہ ایک لاکھ تین ہزار 833 افراد نے ای گیٹ پر موجود مواد کو شیئر کیا جبکہ تین ہزار 243نے براہِ راست رابطہ سروس پر مکالمے کیے۔

رپورٹ کے مطابق تین لاکھ 37 ہزار سے زیادہ پیغامات رجسٹرڈ ہوئے۔ 1974 درخواستیں تکنیکی مدد کےلیے موصول ہوئیں جبکہ چار لاکھ 12 ہزار 586درخواستیں دکانوں کے لائسنس کے لیے دی گئیں۔

اس کے علاوہ دو ہزار669درخواستیں میونسپلٹی گیٹ پر رجسٹریشن کے لیے موصول ہوئیں اور پانچ لاکھ چار ہزار217 درخواستیں اکاؤنٹ اپ ڈیٹ کرنے اور مؤثر کرنے کے لیے ملیں جبکہ گاڑیوں کے لائسنس کےلیے97درخواستیں دی گئیں۔

جدہ کے معاون میئر یاسر الشریف نے کہا ہے کہ جدہ میونسپلٹی گیٹ بہت ساری سہولتیں آن لائن فراہم کررہا ہے، تجارتی لائسنس کا پرنٹ اور مختلف سہولتوں کے لیے بکنگ قابل ذکر ہیں۔

The post سعودی حکومت کا تجارت کے فروغ کیلئے بڑا اقدام appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3nXO411