وزیراعظم کورونا ریلیف فنڈ میں اب تک کتنی رقم جمع ہوگئی؟

اسلام آباد : وزیراعظم کورونا ریلیف فنڈ میں عطیات کا سلسلہ جاری ہے، اب تک کورونا ریلیف فنڈ میں 4 ارب 90 کروڑ روپے کی خطیر رقم جمع ہو گئی ہے۔

تفصیلات کے مطابق وزیراعظم کورونا ریلیف فنڈ میں عطیات کا حجم4 ارب 90 کروڑ روپے ہوگیا، فوکل پرسن برائے کورونا ریلیف فنڈ خورشید عالم نے دل کھول کرعطیات دینے پر پاکستانیوں کا شکریہ ادا کرتے ہوئے کہا وزیراعظم کوروناریلیف فنڈ سےغریبوں کی امداد کر رہے ہیں۔

یاد  رہے کورونا ریلیف فنڈ پر وزیر اعظم عمران خان نے بات کرتے ہوئے کہا تھا کہ پاکستانی مجھے جو وزیر اعظم ریلیف فنڈ میں پیسے دیں گے اگر ایک روپیہ آئے گا تو حکومت پاکستان چار روپے اس کے ساتھ دے گی۔

واضح رہے 30 مارچ 2020 کو وزیراعظم عمران خان نے کرونا سے لڑ نے کے لیے ریلیف فنڈ کے قیام اور ٹائیگرفورس بنانے کا اعلان کیا تھا، جب کہ صوبوں کی سطح پر بھی الگ الگ ریلیف فنڈز قائم کیے گئے ہیں، جس میں مخیر حضرات سے عطیات جمع کرانے کی اپیل کی گئی تھی۔

خیال رہے وزیراعظم عمران خان سمیت وفاقی کابینہ کاایک ماہ کی تنخواہ ریلیف فنڈ میں دینے کا اعلان کیا تھا، جس کے تحت تمام وفاقی وزرا ،مشیر ،معاونین خصوصی اپنی تنخواہ وزیراعظم ریلیف فنڈ میں دیں گے۔

The post وزیراعظم کورونا ریلیف فنڈ میں اب تک کتنی رقم جمع ہوگئی؟ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/2QoqkEu