سعودی عرب میں پٹرول کے نئے نرخوں کا اعلان

ریاض: سعودی آئل کمپنی(آرامکو) نے مملکت میں ماہِ مئی کے لیے پٹرول کی نئی قیمتوں کا اعلان کردیا۔

غیرملکی خبررساں ادارے کی رپورٹ کے مطابق سعودی عرب میں گزشتہ ماہ اپریل کے مقابلے میں پٹرول کے نرخوں میں پھر اضافہ کیا گیا ہے۔

ماہ مئی 2021 کے لیے پٹرول 91 کی فی لیٹر قیمت دو ریال 8 ہلالہ جبکہ 95 کی 2 ریال 23 ہلالہ ہوگی۔

سعودی عرب میں ڈیزل اور کیروسین آئل کے قیمتوں میں تبدیلی نہیں ہوئی جو 52 ہلالہ اور 70 ہلالہ فی لیٹر کے حساب سے فروخت کیے جاتے ہیں۔

آرامکو کی جانب سے اعلان کی گئی نئی قیمتیں منگل 11 مئی سے نافذ العمل ہوں گی۔

یاد رہے کہ اس سے قبل اپریل میں 91 پٹرول ایک ریال 99 ہلالہ فی لیٹر جبکہ 95 پیٹرول کا نرخ 2 ریال 13 ہلالہ تھا۔ مملکت میں پٹرول کے نرخ ہرماہ کی 10 تاریخ کو تبدیل کیے جاتے ہیں۔

The post سعودی عرب میں پٹرول کے نئے نرخوں کا اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3eBplOa