لاہور سے کراچی جانے والی شالیمار ایکسپریس حادثے سے بال بال بچ گئی

فاروق آباد : لاہور سے کراچی آنے والی شالیمار ایکسپریس حادثے سے بال بال بچ گئی، پٹڑی ٹوٹنے کے باعث پھاٹک پر تعینات ملازم نے ٹرین کوسرخ جھنڈی دکھا کرروک لیا۔

تفصیلات کے مطابق لاہورسےکراچی جانےوالی شالیمارایکسپریس حادثے کا شکار ہونے سے بال بال بچ گئی، ریلوےحکام نے بتایا کہ سچاسودا ریلوے کے قریب پٹڑی ٹوٹ گئی ، جس کے بعد پھاٹک پر تعینات ملازم نے ٹرین کوسرخ جھنڈی دکھا کرروک لیا۔

حکام کا کہنا تھا کہ شالیمار ایکسپریس صبح ساڑھے7 بجے سے کھڑی ہے، پٹڑی کے ٹوٹنے کی وجہ معلوم نہ ہوسکی، کچھ دیر بعد ریلوے ٹریک بحال کرکے ٹرین کوروانہ کر دیا جائ گا۔

یاد رہے رواں سال مارچ میں کراچی سے لاہور جانے والی کراچی بھی ایکسپریس حادثے سے بال بال بچ گئی تھی ، نوابشاہ میں بوگی سے بریک کا ٹکڑا گرکر پٹری میں پھنس گیا تھا جبکہ علاقہ مکینوں نے شاہ حسین ایکسپریس کو کچھ دور ہی روک دیا کیونکہ شاہ حسین ایکسپریس کواسی ٹریک سےگزرنا تھا ، علاقہ مکینوں کی کوشش سےشاہ حسین ایکسپریس ممکنہ حادثے سے بچ گئی تھی

The post لاہور سے کراچی جانے والی شالیمار ایکسپریس حادثے سے بال بال بچ گئی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/2RGpbMz