مظفر آباد: میر پور آزاد کشمیر میں کار گہری کھائی میں گرنے کے باعث بچے سمیت چھ افراد جاں بحق ہوگئے۔
ریسکیو ذرائع کے مطابق کار سوار نکیال سے کوٹلی جا رہے تھے کہ موڑ کاٹتے ہوئے حادثہ رونما ہوا، دلخراش حادثے کے نتیجے چھ افراد موقع پر ہی جں بحق جبکہ ایک بچی شدید زخمی ہوئی۔
امدادی ٹیموں کے مطابق جاں بحق افراد میں دو مرد، دوخواتین ایک بچہ اور ایک بچی شامل ہیں، حادثے کی اطلاع ملتے ہی ریسکیو ٹیمیں جائے حادثہ پر پہنچی ،جنہوں نے جاں بحق اور زخمی بچی کو اسپتال منتقل کیا۔
ریسکیو ذرائع کے مطابق کار پانچ سو فٹ کی بلندی سے کھائی میں گری، حادثے کے بعد گاڑی بُری طرح متاثر ہوئی، لاشوں کو گاڑی کاٹ کر باہر نکالا گیا، حادثےکا شکار کار نکیال کے علاقے موہڑہ نارہ سے کوٹلی آرہی تھی۔
پولیس کے مطابق جاں بحق تمام افراد کا تعلق ایک ہی خاندان سے تھا، جو نکیال کے نواحی گاؤں موہڑہ نارہ سے تعلق رکھتے تھے۔
The post کوٹلی: کار گہری کھائی میں جاگری، 6 افراد جاں بحق appeared first on ARYNews.tv | Urdu - Har Lamha Bakhabar.
from پاکستان – ARYNews.tv | Urdu – Har Lamha Bakhabar https://ift.tt/3sbr0O2
کوئی تبصرے نہیں:
ایک تبصرہ شائع کریں
Hi !! Dear