روس نے امریکا سے سفیر واپس بلالیا

ماسکو : بائیڈن انتظامیہ سے کیسے تعلقات رکھنے ہیں، روس نے امریکا میں تعینات اپنے سفیر کو مشورے کےلیے ماسکو طلب کرلیا۔

غیر ملکی خبر رساں ادارے کی رپورٹ کے مطابق امریکا میں جوبائیڈن کی حکومت قائم ہوتے ہی دونوں ممالک کے تعلقات میں خرابی پیدا ہونا شروع ہوگئی تھی جس سے متعلق روسی حکام نے سوچنا شروع کردیا ہے۔

روسی وزارت خارجہ کا کہنا ہے کہ روس نے امریکا میں اپنے سفیر کو ماسکو طلب کیا ہے تاکہ بائیڈن حکومت سے کیسے تعلقات رکھنے ہیں طے کرسکے۔

واضح رہے کہ روسی سفیر کی ایسے وقت میں ماسکو طلبی ہوئی ہے جب ایک روز قبل امریکی انٹیلی جنس رپورٹ میں روسی صدر پر براہ راست الزام لگائے گئے۔

انٹیلی جنس رپورٹ میں کہا گیا تھا کہ پیوٹن نے بائیڈن کی انتخابی مہم کو نقصان پہنچانے کی کوشش کی اور بڑے پیمانے پر امریکی الیکشن 2020 میں اثر و رسوخ استعمال کیا۔

The post روس نے امریکا سے سفیر واپس بلالیا appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2P1kR9m