بیٹری چوری کا الزام، ساتھیوں کے ہاتھوں نوجوان قتل

کراچی : نامعلوم افراد نے بیٹری چوری کا الزام لگاکر نوجوان کو موت کے گھاٹ اتار دیا۔

رہزنی و چوری کی وارداتوں میں اس قدر اضافہ ہوچکا ہے کہ اب شہرقائد کے باسیوں نے اسٹریٹ کرائم سے تنگ آکر وارداتوں میں ملوث افراد کو خود ہی کیفردار تک پہنچا شروع کردیا ہے اور قانون بالاتر ان واقعات میں بہت سے بے گناہ بھی شہریوں کے ہاتھوں تشدد کا نشانہ بن جاتے ہیں۔

ایسا ہی ایک واقع کراچی کی مچھر کالونی میں پیش آیا جس کے نتیجے میں نوجوان جان کی بازی ہار گیا۔

پولیس کا کہنا ہے کہ گزشتہ روز مچھر کالونی سے برآمد ہونے والی تشدد زدہ لاش کی شناخت 22 سالہ طیب کے نام سے ہوئی ہے۔

پولیس کا کہنا ہے کہ مقتول نشے کا عادی تھا، جسے ساتھیوں نے بیٹری چوری کا الزام لگاکر تشدد کرکے قتل کیا۔

ذرائع کے مطابق پولیس کی جانب سے واقعے میں ملوث چار ملزمان کے خلاف واقعے کا مقدمہ درج کرلیا گیا ہے۔

The post بیٹری چوری کا الزام، ساتھیوں کے ہاتھوں نوجوان قتل appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3vgJP5s