‘چند ہفتوں میں کورونا وبا کی شرح ڈبل ہوگئی’

اسلام آباد: پارلیمانی سیکریٹری صحت ڈاکٹر نوشین حامد نے تشویش کا اظہار کرتے ہوئے کہا ہے کہ چند ہفتوں میں کورونا وبا کی شرح ڈبل ہوئی ہے۔

تفصیلات کے مطابق اپنے ایک بیان میں ڈاکٹر نوشین حامد کا کہنا تھا کہ عوام کو احتیاط کرنا ہوگی، ماسک کا استعمال کرنا ہوگا، حالیہ چند ہفتوں کے دوران کورونا کیسز میں اضافہ ریکارڈ کیا گیا ہے۔

انہوں نے کہا کہ وبائی صورت حال سے نمٹنے کے لیے تمام اسپتالوں میں انتظامات مکمل ہیں، ویکسین کے دوسرے مرحلے میں پالیسی تبدیل کی ہے۔

پارلیمانی سیکریٹری صحت نے بتایا کہ سینئرسٹیزن شناختی کارڈ دکھا کر بھی ویکسین لگوا سکتے ہیں۔

ڈاکٹر نوشین حامد کا مزید کہنا تھا کہ برطانوی کورونا وائرس کی قسم بڑے شہروں میں پھیل چکی ہے، برطانوی قسم کا وائرس تیزی سے پھیلتا ہے زیادہ خطرناک نہیں ہے۔

The post ‘چند ہفتوں میں کورونا وبا کی شرح ڈبل ہوگئی’ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3bNwqKh