سعودی خواتین کے لیے ایک اور اہم اعزاز

ریاض: سعودی فٹبال لیگ نے کھیلوں کے لیے 62 خواتین کو ریفری مقرر کردیا ہے۔

غیرملکی خبررساں ادارے کی رپورٹ کے مطابق سعودی فٹبال لیگ کی جانب سے مقرر کی جانے والی 62 خواتین کھیلوں میں بطور ریفری اپنی ذمےداریاں نبھائیں گی۔

رپورٹ کے مطابق 62 خواتین میں سے 18 کا تعلق سعودی دارالحکومت ریاض، 28 جدہ، 14 مشرقی ریجن اور 3 شہر مدینہ منورہ سے ہے، نئی بھرتی کی جانے والی خواتین کو خصوصی کورسز کرائے گئے۔

سعودی فٹبال لیگ کا کہنا ہے کہ مذکورہ خواتین کو 2 کورس کروائے گیے۔ پہلا کورس مشرقی ریجن میں ہوا تھا جبکہ دوسرا ریاض میں منعقد کیا گیا تھا، نئی ریفریز کو اجازت نامہ آن لائن تقریب کے دوران دیا گیا۔

خیال رہے کہ نئی بھرتی ہونی والی ریفری خواتین کے فٹبال مقابلوں کے لیے مختص ہوں گی۔

The post سعودی خواتین کے لیے ایک اور اہم اعزاز appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/39p2h2K