کراچی: فواد عالم کی شاندار سنچری اور فہیم اشرف کی عمدہ اننگز کی بدولت پاکستان کو مہمان ٹیم کے خلاف 158رنز کی برتری حاصل ہوگئی ہے، قومی ٹیم اپنی پہلی اننگز میں 378 رنز بناکر آؤٹ ہوگئی ہے۔
تفصیلات کے مطابق آج نیشنل اسٹیڈیم کراچی میں جنوبی افریقہ اور پاکستان کے درمیان تیسرے کھیل کا آغاز ہوا تو پاکستانی ٹیل اینڈرز نے برق رفتاری سے رنز بنانے کی کوشش کی، اسی کوشش میں فاسٹ بولر حسن علی 23 رنز بناکر آؤٹ ہوئے، مگر اس وقت تک قومی ٹیم کا مجموعی اسکور 323 تک جاپہنچا تھا۔
یاسر شاہ اور ڈیبیو کرنے والے فاسٹ بولر نعمان نے آخری وکٹ کی شراکت میں 55 رنز بنائے اور پاکستان کی برتری کو مزید مستحکم کیا، تاہم نعمان علی 24 رنز بناکر ہمت ہار گئے۔
یاسر شاہ 38 رنز بناکر ناٹ آؤٹ رہے، پاکستان کی جانب سے فواد عالم 109، فہیم اشرف 64، اظہر علی 51 رنز بناکر نمایاں رہے،جنوبی افریقہ کی جانب سے کاگیسو ربادا اور کیشو مہارا نے 3، تین وکٹیں حاصل کیں، نگیدی اور نورٹ جی کے حصے میں دو دو وکٹ آئیں۔
اس سے قبل جنوبی افریقہ کی ٹیم اپنی پہلی اننگز میں 220 رنز بناکر آؤٹ ہوگئی تھی۔
The post کراچی ٹیسٹ: پاکستان کو جنوبی افریقہ کے خلاف 158 رنز کی برتری مل گئی appeared first on ARYNews.tv | Urdu - Har Lamha Bakhabar.
from کھیل – ARYNews.tv | Urdu – Har Lamha Bakhabar https://ift.tt/3iTmUqK
کوئی تبصرے نہیں:
ایک تبصرہ شائع کریں
Hi !! Dear