وزیرداخلہ نے بھی کرونا بچاؤ ویکسین لگوالی

لاہور : وفاقی وزیر داخلہ اعجاز شاہ نے بھی کلینیکل ٹرائل کی چین سے آنے والی کرونا بچاؤ ویکسین لگوالی۔

تفصیلات کے مطابق چین کی تیار کردہ انسداد کرونا ویکسین کے ٹرائل پاکستان سمیت مختلف ممالک میں جاری ہیں اور اب تک معروف شخصیات سمیت ہزاروں افراد رضاکارانہ طور پر آزمائشی ویکسین لگواچکے ہیں۔

کرونا بچاؤ ویکسین لگوانے والے رضاکاروں میں وفاقی وزیر داخلہ اعجاز شاہ کا نام بھی شامل ہوگیا ہے جنہیں کلینیکل ٹرائل فیز تھیری کی ویکسین لگائی ہے۔

وائس چانسلر یونی ورسٹی آف ہیلتھ سائنسز پروفیسر جاوید اکرم کا کہنا ہے کہ وزیر داخلہ اعجاز شاہ کو یونیورسٹی آف ہیلتھ سائنسز میں ویکسین لگائی گئی جبکہ اعجاز شاہ کے عملے کو بھی کرونا سے بچاؤ کی ویکسین لگائی گئی ہے۔

پروفیسر جاوید اکرم کے مطابق کہ یونی ورسٹی میں 2 اکتوبر سے کرونا ویکسین کے ٹرائلز جاری ہیں، اور اب تک 7 ہزار سے زائد افراد پر کرونا ویکسین کے ٹرائلز کیے جا چکے ہیں۔

خیال رہے کہ اس سے قبل گورنر پنجاب چوہدری محمد سرور اور ان کی اہلیہ بھی کرونا بچاؤ ویکسین لگواچکے ہیں۔

The post وزیرداخلہ نے بھی کرونا بچاؤ ویکسین لگوالی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/36R3Gho