اسلام آباد: وزیراعظم عمران خان کا کہنا ہے کہ پاکستان پانچ دہائیوں بعد پانی کے دو بڑے ذخائربنانے جا رہاہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیر اعظم نے کہا کہ منگلا، تربیلا کے بعد مہمند اوربھاشابڑے ڈیم ہوں گے، وزیراعظم نے اپنے ٹوئٹ میں مہمند او ربھاشا ڈیمز کی تعمیرات سے متعلق ویڈیو بھی شیئر کی۔
منگلا اور تربیلا کے 5 عشروں بعد پاکستان کو مہمند اور بھاشا کی صورت میں 2 بڑے ذخائرِ آب (ڈیمز) میسر آئیں گے۔
pic.twitter.com/lM8O5xewuW— Imran Khan (@ImranKhanPTI) December 8, 2020
واضح رہے کہ دو مئی دو ہزار انیس میں وزیر اعظم عمران خان نے مہمند ڈیم کا سنگ بنیاد رکھا تھا، سابق چیف جسٹس ثاقب نثار نے بھی اس تقریب میں شرکت کی تھی۔
یہ بھی پڑھیں: دیامیر بھاشا ڈیم سے پاکستان کو کیا فوائد مل سکیں گے؟
مہمند ڈیم ضلع مہمند میں دریائے سوات پر منڈا ہیڈ ورکس سے 5 کلومیٹر اپ سٹریم تعمیر کیا جا رہا ہے، 700 فٹ بلند ڈیم میں 12 لاکھ 9 ہزار ایکڑ فٹ پانی ذخیرہ کیا جا سکے گا۔ مہمند ڈیم کی تعمیر نومبر 2024 میں مکمل ہو جائے گی۔
آبی ذخائر سے ابتدا میں 16 ہزار 37 ایکڑ رقبہ سیراب کیا جا سکے گا، ڈیم کی تعمیر سے سیلاب کے نقصانات پر قابو پانے میں بھی مدد ملے گی جبکہ اس سے 800 میگا واٹ بجلی پیدا ہوگی۔
The post وزیراعظم نے آبی ذخائر سے متعلق بڑی خوشخبری سنادی appeared first on ARYNews.tv | Urdu - Har Lamha Bakhabar.
from پاکستان – ARYNews.tv | Urdu – Har Lamha Bakhabar https://ift.tt/3lTpdtV
کوئی تبصرے نہیں:
ایک تبصرہ شائع کریں
Hi !! Dear