سیاسی ومذہبی جماعتوں کی مسلح ملیشیا، نیشنل ایکشن پلان کی خلاف ورزی قرار

اسلام آباد: وزارت داخلہ نے سیاسی و مذہبی جماعتوں کی جانب سے بنائی گئی مسلح ملیشیا کو نیشنل ایکشن پلان کی خلاف ورزی قرار دے دیا ہے۔

تفصیلات کے مطابق وزارت داخلہ کی جانب سے جاری مراسلے میں کہا گیا ہے کہ سیاسی اور مذہبی جماعتوں نے اپنی ملیشیا بنا رکھی ہیں، مختلف جماعتوں کی ملیشیا مسلح افواج جیسی وردی اور رینکس لگاتے ہیں، ایسی تنظیمیں غلط مثال قائم کررہی ہیں۔

وزارت داخلہ کی جانب سے کہا گیا ہے کہ اس طرح کے اقدامات نیشنل ایکشن پلان کے پوائنٹ نمبرتین اور آرٹیکل دو سو چھپن کی خلاف ورزی ہے، ان چیزوں پر کنٹرول نہ کیا گیا تو اس سے سیکیورٹی صورتحال سنگین ہونے کے ساتھ ساتھ پاکستان کا دنیا بھر میں منفی تاثر ابھرے گا۔مراسلے میں کہا گیا ہے کہ تمام صوبائی حکومتیں فوری طور پر اس بات کا نوٹس لیں اور اس کی روک تھام کے لئے فوری اقدامات کریں، وفاقی حکومت اس معاملے میں ہر طرح کی مدد کے لئے تیار ہے۔

The post سیاسی ومذہبی جماعتوں کی مسلح ملیشیا، نیشنل ایکشن پلان کی خلاف ورزی قرار appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/33Ndgjc