لاہور:کسٹم حکام کی بڑی کارروائی ، مسافر سے کروڑوں روپے مالیت کے آئی فونز برآمد

لاہور : کسٹم حکام نے علامہ اقبال انٹر نیشنل ایئر پورٹ پر کارروائی کرتے ہوئے مسافر سے 65 مہنگے فون برآمد کرلئے، موبائل فونز کی مالیت ایک کروڑ چالیس لاکھ سے زائد ہیں۔

تفصیلات کے مطابق لاہور میں علامہ اقبال انٹر نیشنل ایئر پورٹ پر کسٹم حکام نے بڑی کارروائی کی اور دبئی کی پرواز سے لاہور آنے والے مسافر سے 65 آئی فون برآمد کر لیے۔

ڈی سی کسٹم ثاقب وڑائچ نے کہا ایک کروڑ چالیس لاکھ سے زائد لاگت کے موبائل فون کی کھیپ بیرون ملک سے اسمگل کرنے کی کوشش ناکام بنا دی گئی۔

ثاقب وڑائچ کا کہنا تھا کہ مسافر ایمرٹس ائر کی پرواز 624سے دبئی سے لاہور پہنچا ، مسافر امداد اللہ لاہور کراچی موبائل مارکیٹ میں سپلائی دیتا ہے، مسافر عرصہ دراز سے اسمگلنگ میں ملوث تھا اور ریگولر لاہور کراچی دبئی کا سفر کر نا معمول تھا۔

ڈی کسٹم کے مطابق مسافر کے سامان سے 58 آئی فون پرو میکس الیون اور سات پرومیکس سیون گیارہ فون پرومیکس 7بھی برامد ہوئے۔

کسٹم حکام نے سارے موبائل فون ضبط کر لیے اور مسافر کے خلاف کسٹم سمگلنگ ایکٹ کے تحت مقدمہ درج کیا جا رہا ہےْ

The post لاہور:کسٹم حکام کی بڑی کارروائی ، مسافر سے کروڑوں روپے مالیت کے آئی فونز برآمد appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3fof72I