ملک بھر میں حلیمہ سلطان کے زیور کی طلب میں اضافہ

پاکستان میں مقبول ترین ترک ڈرامے ارطغرل غازی کے کردار حلیمہ سلطان کا پہنا جانے والا زیور، جسے ماتھا پٹی کہا جاتا ہے، ملک بھر کی خواتین میں بے حد مقبول ہورہا ہے۔

ارطغرل غازی کے کردار حلیمہ سلطان نے جس زیور کو اپنے سنگھار کا حصہ بنایا ہے، یہ افغانستان اور پاکستان کے صوبہ خیبر پختونخواہ کا ثقافتی زیور ہے اور مقامی خواتین میں بے حد مقبول رہا ہے۔

مقامی خواتین اس زیور کو جسے ماتھا پٹی کہا جاتا ہے، شادی بیاہ کے علاوہ دیگر مواقعوں پر بھی استعمال کرتی رہی ہیں۔

تاہم ڈرامے کے کردار حلیمہ سلطان کے استعمال کے بعد اب اس زیور کی مقبولیت ملک کے طول و عرض میں پھیل گئی ہے۔ اس زیور کو ماتھا پٹی کے نام سے کم، اور حلیمہ سلطان کا زیور کے نام سے زیادہ پکارا جا رہا ہے۔

صرف خیبر پختونخواہ ہی نہیں بلکہ ملک بھر میں اس کی طلب میں بے حد اضافہ ہورہا ہے اور دکاندار اس کی بڑھتی طلب سے بے حد خوش ہیں۔

ماتھا پٹی کی بڑھتی طلب کے باعث اس کے ڈیزائن اور بناوٹ میں تنوع بھی پیدا کیا جارہا ہے، علاوہ ازیں اس کی قیمت بھی مختلف رکھی جارہی ہے تاکہ ہر طبقے کی خواتین کی اس تک آسان پہنچ ہو۔

دکانداروں کا کہنا ہے کہ اب جبکہ ملک بھر میں شادی بیاہ کا موسم عروج پر ہے، تو ماتھا پٹی کی طلب میں بے تحاشہ اضافہ ہوگیا ہے جو ہر عمر کی خواتین استعمال کرنا چاہتی ہیں۔

The post ملک بھر میں حلیمہ سلطان کے زیور کی طلب میں اضافہ appeared first on ARYNews.tv | Urdu - Har Lamha Bakhabar.

from فن و ثقافت – ARYNews.tv | Urdu – Har Lamha Bakhabar https://ift.tt/37ams1U