کراچی: ترجمان سندھ حکومت مرتضیٰ وہاب کا کہنا ہے کہ سردی میں اضافے کے ساتھ ہی کرونا وائرس کیسز بھی بڑھنا شروع ہوگئے ہیں، مثبت کیسز کی شرح ساڑھے 7 فیصد تک پہنچ چکی ہے۔
تفصیلات کے مطابق حکومت سندھ کے ترجمان مرتضیٰ وہاب کا کہنا ہے کہ کرونا وائرس کیسز کی شرح ساڑھے 7 فیصد تک پہنچ چکی ہے، سردی میں اضافے کے ساتھ ہی کرونا وائرس کیسز بھی بڑھنا شروع ہوگئے ہیں۔
ترجمان کا کہنا تھا کہ کرونا وائرس کی پہلی لہر میں احتیاط کے پیش نظر شرح صرف ڈیڑھ سے 2 فیصد تھی، یہ تاثر قطعاً غلط ہے کہ ہمارے ہاں سے کرونا وائرس ختم ہوگیا۔ کرونا وائرس کی روک تھام کے لیے پہلے کی طرح احتیاط کرنی ہوگی۔
انہوں نے کہا کہ اوائل میں عوام نے کرونا وائرس سے نمٹنے کے لیےحکومت کا بھرپور ساتھ دیا، ہمیں اپنے روزگار کے ساتھ ساتھ احتیاط بھی کرنا ہوگی۔
مرتضیٰ وہاب کا مزید کہنا تھا کہ شہری ماسک کے استعمال پر ہر صورت عمل کریں۔
خیال رہے کہ ملک بھر میں اب تک کرونا وائرس کے 3 لاکھ 54 ہزار 461 کیسز رپورٹ ہوچکے ہیں جن میں سے فعال کیسز کی تعداد 24 ہزار 938 ہے۔
اب تک ملک میں کرونا وائرس سے 7 ہزار 109 اموات ہوچکی ہیں جبکہ صحت یاب افراد کی مجموعی تعداد 3 لاکھ 22 ہزار 414 ہوگئی ہے۔
The post کرونا وائرس کے مثبت کیسز کی شرح ساڑھے 7 فیصد ہوگئی: مرتضیٰ وہاب appeared first on ARYNews.tv | Urdu - Har Lamha Bakhabar.
from پاکستان – ARYNews.tv | Urdu – Har Lamha Bakhabar https://ift.tt/3lBYdA0
کوئی تبصرے نہیں:
ایک تبصرہ شائع کریں
Hi !! Dear