The French ambassador will be deported in two to three months, an agreement reached between the government and the TLP

راولپنڈی: حکومت اور تحریک لبیک کے درمیان 4نکاتی معدہدہ طے پا گیا، جس کے تحت حکومت فرانس کے سفیر کو دو سے تین ماہ میں ملک بدر کرے گی۔

تفصیلات کے مطابق حکومت اور تحریک لبیک کے درمیان معدہدہ طے پا گیا، 4نکاتی معاہدے پر حکومت اورتحریک لبیک کےقائدین کے دستخط موجود ہیں ، سادہ کاغذ پرمعاہدہ ہاتھ سےتحریرکیا گیا ہے۔

معاہدے کے مطابق حکومت فرانس کےسفیر کو 2 سے 3 ماہ میں ملک بدر کرے گی، فرانسیسی سفیر کوپارلیمنٹ سےفیصلہ سازی کے ذریعے ملک بدر کیا جائے گا۔

معاہدے میں کہا گیا پاکستانی حکومت فرانس میں سفیر تعینات نہیں کرےگی اور فرانس کی مصنوعات کا سرکاری سطح پر بائیکاٹ کیا جائے گا جبکہ گرفتار کارکنان کو فوری طور پر رہا کیاجائےگا۔

معاہدے پر وزیرداخلہ ،وزیرمذہبی امور اور کمشنر اسلام آباد کے دستخط جبکہ تحریک لبیک کی طرف سے صوبائی قائدین کے دستخط موجود ہیں۔

معاہدے طے پانے کے بعد اسلام آباد میں موبائل سروس بحال کردی گئی اور جڑواں شہروں کے داخلی وخارجی راستوں سے رکاوٹیں ہٹادی گئیں جبکہ حکومت نے تحریک لبیک کے کارکنوں کی رہائی کے احکامات جاری کردیئے ہیں۔

یاد رہے اسلام آباد میں حکومت اورمذہبی جماعت کے درمیان مذاکرات کامیاب ہوگئے تھے اور کامیاب مذاکرات کےبعدمظاہرین نےدھرناختم کردیا تھا۔

وزیراعظم کی ہدایت پرنورالحق قادری نے مذہبی جماعت سے مذاکرات کیے تھے،وزیرداخلہ،کمشنراسلام آباد، مشیرداخلہ ،سیکرٹری داخلہ بھی مذاکراتی ٹیم میں شامل تھے۔

The post فرانس کے سفیر کو2سے 3ماہ میں ملک بدر کیا جائے گا،حکومت اورٹی ایل پی میں معاہدہ طے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/35CsjO9