اندھیرے میں چمکنے والے مینڈک کی ویڈیو وائرل

اب تک ہم نے رات کی روشنی میں چمکتے ہوئے جگنوؤں کو دیکھا تھا تاہم اب ایسا مینڈک بھی منظر عام پر آیا ہے جو اندھیرے میں چمکتا ہے۔

سوشل میڈیا پر ایک مینڈک کی ویڈیو وائرل ہورہی ہے جس میں ایک مینڈک دیوار پر چڑھنے کی کوشش کر رہا ہے، ہر تھوڑی دیر بعد اس کا جسم چمکتا ہوا دکھائی دیتا ہے۔

ویڈیو کو دیکھ کر صارفین نے اس پر حیرانی کا اظہار کیا تاہم جلد ہی یہ حقیقت سامنے آئی کہ مینڈک کے چمکنے کی وجہ ایک جگنو ہے جسے اس نے نگل لیا ہے۔

ویڈیو ایک گھر کی ہے جس کی دیوار پر کہیں سے یہ مینڈک آگیا ہے اور گھر والے اسے چمکتا دیکھ کر خوشگوار حیرت کا شکار ہیں۔

ویڈیو میں دیکھا جاسکتا ہے کہ معدے کے اندر سے جگنو کے چمکنے پر مینڈک کی رگیں بھی دکھائی دے رہی ہیں۔

بعض سوشل میڈیا صارفین نے مذاقاً لکھا کہ یہ مینڈک اپنے دوپہر اور رات کے کھانے میں جگنو کا استعمال اس لیے کرتا ہے تاکہ اس کی وجہ سے اسے رات میں روشنی مل سکے اور وہ آرام سے اپنا سفر کر سکے۔

The post اندھیرے میں چمکنے والے مینڈک کی ویڈیو وائرل appeared first on ARYNews.tv | Urdu - Har Lamha Bakhabar.

from حیرت انگیز – ARYNews.tv | Urdu – Har Lamha Bakhabar https://ift.tt/32n6DUC