ننھی مروہ قتل کیس میں بڑی پیش رفت

کراچی : ننھی مروہ قتل کیس میں مزید دو مشتبہ افراد کو گرفتار کرلیا گیا، مجموعی طور پر اب تک سولہ افراد کو حراست میں لیا گیا ہے، تمام مشتبہ افراد کا ڈی این اے کرالیا گیا ہے۔

تفصیلات کے مطابق ننھی مروہ کیس میں پیش رفت سامنے آئی ، پولیس نے مزید دو مشتبہ افراد کو حراست میں لے لیا ، مجموعی طور پر اب تک سولہ افراد کو حراست میں لیا گیا ہے۔

پولیس کی جانب سے تمام مشتبہ افراد کا ڈی این اے کرایا گیا اور تحریری بیانات بھی ریکارڈ کرلیے گئے ہیں، گرفتار تمام افراد بچی کے گھرکےاطراف میں رہنےوالےلوگ ہیں ۔

پولیس کا کہنا ہے کہ زیر حراست افراد کرایے کے گھروں میں بغیرفیملی رہائش پذیر ہں ، سب سےزیادہ مشکوک نوازکی جدیدخطوط پرتفتیش کی جارہی ہے، واز کے دو بیٹے بھی پولیس کی حراست میں ہیں، ڈی این اے رپورٹ میں مزید کئی روز لگ سکتے ہیں۔

یاد رہے پی آئی بی کالونی کی رہائشی 5 سالہ بچی دو روز قبل گھر سے بسکٹ لینے نکلی تھی، مروہ اغوا کرلیا گیا تھا جس کی لاش دو روز بعد کچرا کنڈی سے برآمد ہوئی، بچی کی ہلاکت پر سوشل میڈیا پر ’جسٹس فار مروہ‘ کے نام سے ٹاپ ٹرینڈ بن گیا، جس میں قاتلوں کی گرفتاری کا مطالبہ کیا گیا۔

بعد ازاں قتل ہونے والی ننھی مروہ کے ساتھ زیادتی کی تصدیق ہوگئی ، ڈاکٹر ذکیہ کا کہنا ہے کہ بچی کو زیادتی کے بعد سر پر پتھرمار کر قتل کیاگیا۔

The post ننھی مروہ قتل کیس میں بڑی پیش رفت appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3bFO4Oy