شمالی وزیرستان حملہ، شہید نائیک محمد عمران فوجی اعزاز کے ساتھ سپرد خاک

فیصل آباد : شمالی وزیرستان میں سیکیورٹی فورسز کی گاڑی پر بم حملے میں شہید ہونے والے نائیک محمد عمران کو فوجی اعزاز کے ساتھ سپرد خاک کردیا گیا۔

تفصیلات کے مطابق فیصل آباد میں شمالی وزیرستان میں سیکیورٹی فورسز کی گاڑی پر بم حملے کے نتیجے میں شہید ہونے والے نائیک محمد عمران کی تدفین فوجی اعزاز کے ساتھ کردی گئی۔

شہید محمد عمران کی تدفین میں اہل علاقہ نےبڑی تعدادمیں شرکت کی جبکہ آرمی چیف کی جانب سےشہیدکی قبرپرپھول چڑھائےگئے۔

اس موقع پر محمد عمران کے والد نے کہا کہ خدا نے بیٹے کی خواہش پوری کردی۔

یاد رہے شمالی وزیرستان میں دہشت گردوں کی جانب سے سڑک کنارے نصب بارودی سرنگ پھٹنے سے لیفٹیننٹ ناصر حسین کے علاوہ دو جوان نائیک محمدعمران اور سپاہی عثمان اختر شہید جبکہ چار زخمی بھی ہوئے تھے۔

The post شمالی وزیرستان حملہ، شہید نائیک محمد عمران فوجی اعزاز کے ساتھ سپرد خاک appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/32Tqrhu