پیپلزپارٹی کی میزبانی میں آل پارٹیز کانفرنس آج ہوگی

اسلام آباد: پاکستان پیپلزپارٹی (پی پی پی) کے زیر قیادت آل پارٹیز کانفرنس آج وفاقی دارالحکومت اسلام آباد میں ہوگی۔

تفصیلات کے مطابق پیپلزپارٹی کی میزبانی میں اپوزیشن کی کل جماعتی کانفرنس آج وفاقی دارالحکومت اسلام آباد میں ہوگی۔آل پارٹیز کانفرنس کی میزبانی بلاول بھٹوزرداری کریں گے۔

اے پی سی میں سابق صدر آصف علی زرداری اور سابق وزیراعظم نواز شریف بھی ویڈیو لنک کے ذریعے شریک ہوں گے اور خطاب بھی کریں گے۔

ذرائع کا کہنا ہے کہ چیئرمین پیپلزپارٹی بلاول بھٹو اور مریم نواز کے خطابات انتہائی اہم ہوں گے۔فضل الرحمان، محمود خان اچکزئی،آفتاب شیر پاؤ بھی خطاب کریں گے۔

مسلم لیگ ن کے صدر شہبازشریف کی زیرصدارت ن لیگ کا 13 رکنی وفد آل پارٹیز کانفرنس میں شریک ہو گا۔جے یو آئی کا 4 رکنی وفد مولانا فضل الرحمان کی زیر صدارت شرکت کرےگا۔اس کے علاوہ تمام11جماعتوں سے کم از کم3،3ارکان کا وفداے پی سی میں شریک ہوگا۔

ذرائع کے مطابق گلگت بلتستان کی آئینی حیثیت،الیکشن،کشمیر پالیسی زیر غور آئےگی۔کانفرنس میں آئندہ سینیٹ وآزادکشمیرانتخابات کا معاملہ زیر غور آنے کا بھی امکان ہے۔

ذرائع کا کہنا ہے کہ اے پی سی میں اسپیکر قومی اسمبلی کا رویہ بھی زیر غور آئے گا،اے پی سی کم سے کم 4 سے 5گھنٹے پر محیط ہونے کا امکان ہے۔شرکا کے لیے پی پی کی جانب سے پرتکلف ظہرانے کا اہتمام ہوگا۔

کل جماعتی کانفرنس میں ایف اے ٹی ایف مسائل،حکومت کی متنازع قانون سازی زیر غور آئےگی۔ذرائع کا کہنا ہے کہ سی پیک پروجیکٹس میں حکومت کی سستی سمیت دیگر امور کانفرنس میں زیر غور آئیں گے۔

The post پیپلزپارٹی کی میزبانی میں آل پارٹیز کانفرنس آج ہوگی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3kCuE0d