فلم کی طرح میوزک انڈسٹری بھی حکومتی سرپرستی کی منتظر

کراچی: موسیقار بلال مقصود کا کہنا ہے کہ نوجوان گلوکاروں کو گانوں کی شاعری پر توجہ دینے کی ضرورت ہے۔

تفصیلات کے مطابق فلم کی طرح میوزک انڈسٹری بھی حکومتی سرپرستی چاہتی ہے۔موسیقاروں نے حوصلہ افزائی کے لیے پلیٹ فارمز کے قیام کا مطالبہ کر دیا۔

اے آروائی نیوز کے پروگرام باخبر سویرا میں خصوصی گفتگو کرتے ہوئے موسیقار بلال مقصود نے کہا کہ سب کو پتہ ہے گلوکاروں کو میوزک بنانے والوں کو یہاں کن ناموں سے یاد کیا جاتا ہے بھانڈ، مراثی یہ ایک عام بات ہے اور مجھے بھی ان سب چیزوں کا سامنا کرنا پڑا ہے۔

پروگرام اینکر شفاعت علی نے سوال کیا کہ میوزک انڈسٹری کی بحالی کے لیے کیا کیا جانا چاہیے؟ جس پر بلال مقصود نے کہا کہ شاعری بہت اہم ہے اور ہمارے لیے میوزک سے زیادہ شاعری ہمیشہ اہم رہی ہے۔

انہوں نے نوجوان گلوکاروں کو شاعری پر توجہ دینے کا مشورہ دیتے ہوئے کہا کہ اگر آپ خود اچھی شاعری نہیں لکھ سکتے تو کسی ایسے شخص کی مدد لیں تو آپ کے لیے اچھی چیز لکھ دے، ضروری نہیں شاعری بہت شاعرانہ ہو، عام سے الفاظوں میں بھی کام ہوسکتا ہے۔

The post فلم کی طرح میوزک انڈسٹری بھی حکومتی سرپرستی کی منتظر appeared first on ARYNews.tv | Urdu - Har Lamha Bakhabar.

from فن و ثقافت – ARYNews.tv | Urdu – Har Lamha Bakhabar https://ift.tt/3i3kV1h