احتیاطی تدابیر کے مثبت اثرات، پاکستان میں یومیہ کورونا کیسز اور اموات میں کمی

اسلام آباد : ملک میں کورونا وائرس کے وار بتدریج تھمنے لگے،24 گھنٹوں میں کوروناکے32 مریض دم توڑ گئے، جس کے بعد اموات کی تعداد 5709 ہوگئی جبکہ کیسز کی تعداد 2لاکھ 69 ہزار سے زائد تک جا پہنچی۔

تفصیلات کے مطابق پاکستان میں حکومت کی حکمت عملی کے مثبت تنائج نمایاں ہونے لگے اور کورونا کیسز اور اموات میں کمی کا سلسلہ جاری ہے۔

نیشنل اینڈ کمانڈ سینٹر نے کورونا صورتحال کے تازہ اعدادو شمار جاری کردیئے ہیں ، جس کے مطابق ملک بھرمیں 24 گھنٹے میں1763 نئے کورونا کیسز رپورٹ ہوئے، جس کے بعد کورونا کیسز کی تعداد 2لاکھ 69ہزار191 تک جا پہنچی ہے۔

این سی او سی کا کہنا ہے کہ 24گھنٹےمیں ملک میں کوروناکے32 مریض دم توڑ گئے، املک میں کوروناسے مجموعی اموات 5709 ہوگئیں۔

نیشنل اینڈ کمانڈ سینٹر کے مطابق ملک میں کوروناکےفعال کیسزکی تعداد50ہزار307ہے، 24گھنٹےمیں ملک بھرمیں22ہزار408 ٹیسٹ کیے گئے جبکہ مجموعی طور پر اب تک17لاکھ 99ہزار290ٹیسٹ کئےجاچکےہیں۔

ملک بھرکےاسپتالوں میں کوروناکے248مریض وینٹی لیٹرپرہیں، کورونا کے مریضوں کیلئے1859وینٹی لیٹرز دستیاب ہیں جبکہ 733 اسپتالوں میں کوروناکے2311مریض زیرعلاج ہیں اور اب تک2لاکھ 13ہزار175مریض کوروناسےصحتیاب ہوچکے ہیں۔

اعدادو شمار کے مطابق سندھ میں کورونا مریضوں کی تعدادایک لاکھ 15 ہزار213 ، پنجاب 91 ہزار 129 ، خیبرپختونخوا میں 32 ہزار 753 ، بلوچستان میں 11 ہزار570 ، اسلام آباد14 ہزار722 ،گلگت بلتستان ایک ہزارآٹھ سوچھیانوے اور آزاد کشمیرمیں ایک ہزار 961 کورونا کیسزسامنے آئے۔

نیشنل کمانڈ اینڈ آپریشن سنٹر کا خصوصی اجلاس کوئٹہ میں ہو گا، این سی او سی کا صوبائی سطح پر تیسرا خصوصی اجلاس ہوگا، اجلاس میں عیدالاضحیٰ،مویشی منڈیوں کےانتظام اورہیلتھ گائیڈلائنزپرغورہوگا۔

The post احتیاطی تدابیر کے مثبت اثرات، پاکستان میں یومیہ کورونا کیسز اور اموات میں کمی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3eWL5kC