کراچی میں بارش، کرنٹ لگنے سے 2 افراد جاں بحق،1 زخمی

کراچی: شہر قائد میں ہونے والی بارش کے بعد صورت حال خوفناک ہوتی جارہی ہے، سڑکیں زیر آب آنے کے بعد بارش کا پانی گھروں میں داخل ہوگیا جبکہ کرنٹ لگنے سے دو شہری جاں بحق ہوگئے۔
تفصیلات کے مطابق کراچی میں بارش کے باعث کرنٹ لگنے سے 2 افراد جاں بحق ہوگئے، کرنٹ لگنے کے واقعات گلشن حدید اور لانڈھی میں پیش آئے۔
گلشن حدید میں اور لانڈھی میں کرنٹ لگنے سے 10 سالہ بچہ اور 22 سالہ نوجوان جاں بحق جبکہ ایک لڑکا زخمی ہوگیا۔
کراچی میں مون سون کے تیسرے اسپیل کا آغاز گرج چمک اور تیز ہواؤں کے ساتھ موسلا دھار بارش کے ذریعے ہوگیا جس کے بعد شہر کے مختلف علاقوں میں بجلی غائب ہوگئی۔
محکمہ موسمیات کے مطابق مون سون کے تیسرے اسپیل کے دوسرے روز شہر میں سب سے زیادہ بارش گلستان جوہر، یونیورسٹی روڈ میں 78.5 ملی میٹر اور سرجانی میں 68.4 ملی میٹر ریکارڈ کی گئی۔
یاد رہے کہ ڈائریکٹر محکمہ موسمیات سردار سرفراز نے 23 جولائی کو کہا تھا کہ مون سون سیزن کے تیسرے سلسلے میں 26 اور 27 جولائی کو کراچی میں گرج چمک کے ساتھ تیز بارش متوقع ہے۔
The post کراچی میں بارش، کرنٹ لگنے سے 2 افراد جاں بحق،1 زخمی appeared first on ARYNews.tv | Urdu - Har Lamha Bakhabar.


from پاکستان – ARYNews.tv | Urdu – Har Lamha Bakhabar https://ift.tt/3g3amuX