اسلام آباد : وزیر اعظم کے معاونِ خصوصی برائے سیاسی روابط شہباز گل نے کہا ہے کہ کیا مزار قائد کی توہین کے مقدمے سے شاہی داماد کی توہین ہوگئی، سندھ کا شاہی خاندان اور پولیس منہ دکھانے کے قابل نہ رہی، قانون سب کے لیے ہے۔
سماجی رابطے کی ویب سائٹ ٹوئٹر پر اپنے پیغام میں شہباز گل نے کہا کہ بادشاہ کے داماد نے بابائے قوم کے مزار کی توہین کی، منہ چھپانے کی ضرورت نہ پڑی رات کو جلسے میں گلے پھاڑ پھاڑ کر تقریر کی۔
بلاول بھٹو کے خطاب پر اپنے ردعمل میں انہوں نے کہا کہ بادشاہ کے داماد نے بابائے قوم کے مزار کی توہین کی۔ کسی کو منہ چھپانے کی ضرورت نہ پڑی بلکہ رات کو جلسہ میں گلہ پھاڑ پھاڑ کر تقریر کی۔
پھر قانون کے مطابق مقدمہ درج ہوا، گرفتاری ہوئی۔شاہی داماد کی توہین ہوُگئی۔سندھ کا شاہی خاندان منہ ۔دکھانے کے قابل نہ رہا۔پولیس کی بھی توہین ہوگئی
— Dr. Shahbaz GiLL (@SHABAZGIL) October 21, 2020
ڈاکٹر شہباز گل نے کہا کہ قانون کے مطابق مقدمہ درج ہوا، گرفتاری بھی ہوئی، کیا اس سے شاہی داماد کی توہین ہوگئی، سندھ کا شاہی خاندان منہ دکھانے کے قابل نہ رہا، پولیس کی بھی توہین ہوگئی؟
ان کا کہنا تھا کہ عام عوام کا قانون الگ رکھنا ہے، یہ ظلم کا نظام ہے، جہاں تذلیل شاہی خاندان کرے، مظلوم بھی یہی ٹھہریں،
جمہوریت کے نام پر یہ مذاق بند کرنا پڑے گا، اب قانون سب کے لیے ہوگا۔
کاش کچھ توہین اس پر بھی محسوس ہوتی جب یہ آقاؤں کے کہنے پر ریکارڈ میں ردوبدل کرتے پکڑے گئے تھے۔ pic.twitter.com/TDghrk4uup
— Dr. Shahbaz GiLL (@SHABAZGIL) October 21, 2020
معاونِ خصوصی کا مزید کہنا تھا کہ اب قانون پر عمل بھی ہوگا، انشاللہ یہی پاکستان کی منزل ہے، اسٹیٹس کو اپنی آخری سانسیں لے رہا ہے، عوام کو مضبوط رہنا ہوگا، کاش ان لوگوں کو کچھ توہین اس وقت محسوس ہوتی جب ریکارڈ میں ردوبدل کرتے ہوئے پکڑے گئے تھے۔
The post مزار قائد کی توہین کے مقدمے سے شاہی داماد کی توہین ہوگئی، شہبازگل appeared first on ARYNews.tv | Urdu - Har Lamha Bakhabar.
from پاکستان – ARYNews.tv | Urdu – Har Lamha Bakhabar https://ift.tt/3ji0kab
کوئی تبصرے نہیں:
ایک تبصرہ شائع کریں
Hi !! Dear